شىعىس قازاقستان وبلىسىنىڭ سامارسكوە اۋىلىندا ەيەلگە پىشاقپەن شابۋىل جاسالدى. جەبٸرلەنۋشٸ بۇل ەرەكەتكە ٶزٸنٸڭ بۇرىنعى كٷيەۋٸن ايىپتاپ وتىر, دەپ حابارلايدى ult.kz, bairaq_media-عا سٸلتەمە قالدىرىپ.
ەيەلدٸڭ ايتۋىنشا, وقيعا جۇمىس ۋاقىتىنداعى ٷزٸلٸس كەزٸندە بولعان. ەر ادام وعان پىشاقپەن شابۋىل جاساپ, سالدارىنان جەبٸرلەنۋشٸ اۋىر جاراقات الىپ, قۇلاعىنىڭ بٸر بٶلٸگٸنەن ايىرىلعان.
ونىڭ سٶزٸنشە, بۇرىنعى جۇبايى بۇعان دەيٸن دە بٸرنەشە رەت قوقان-لوقى كٶرسەتكەن. ٶمٸرٸنە قاۋٸپ تٶنگەندٸكتەن, ول بٸرنەشە مەرتە پوليتسيياعا جٷگٸنٸپ, ەلەۋمەتتٸك جەلٸ ارقىلى دا كٶمەك سۇراعان. بەينەٷندەۋلەرٸندە ٶزٸ مەن كەمەلەتكە تولماعان التى بالاسىنىڭ قاۋٸپسٸزدٸگٸنە الاڭدايتىنىن ايتقان.
شابۋىلدان كەيٸن ەيەل قۇقىق قورعاۋ ورگاندارى تاراپىنان دەر كەزٸندە قورعانىس بولماعانىن مەلٸمدەپ, مۇنىڭ قايعىلى جاعدايعا ەكەلە جازداعانىن جەتكٸزدٸ.
شىعىس قازاقستان وبلىسى پوليتسييا دەپارتامەنتٸنٸڭ مەلٸمەتٸنشە, اتالعان دەرەك بويىنشا سوتقا دەيٸنگٸ تەرگەۋ باستالدى. كٷدٸكتٸ ۇستالىپ, قاماۋعا الىنعان. تەرگەۋ بارىسى وبلىستىق پوليتسييا دەپارتامەنتٸ باسشىلىعىنىڭ باقىلاۋىنا الىنعان.
