Resei prezidentiniń baspasóz hatshysy Dmitrii Peskov Qazaqstan prezidenti Qasym-Jomart Toqaevtyń Ýkrainadaǵy qaqtyǵysty toqtatý jónindegi usynysyna pikir bildirdi, dep habarlaidy ult.kz, kznews-ke silteme jasap.
Peskovtyń aitýynsha, Vladimir Pýtin Ombydaǵy kezdesý barysynda Toqaevqa maidandaǵy qazirgi jaǵdai týraly aqparat bergen. Onyń sózinshe, qaqtyǵysty toqtatý máselesi eń aldymen Kievtiń ustanymyna bailanysty.
«Eger Kiev tiisti sheshim qabyldasa, áskeri áreketter táýlik ishinde toqtaýy múmkin», - dedi Dmitrii Peskov.
Sondai-aq Kreml ókili Reseidiń basty maqsaty ózgermegenin atap ótti.
«Negizgi shart - óz maqsattarymyzǵa jetý», - dep jaýap berdi ol.
Buǵan deiin Qasym-Jomart Toqaev Ýkrainadaǵy qaqtyǵysty beibit jolmen retteýdiń mańyzyn aityp, diplomatiialyq sheshimderdi qoldaitynyn málimdegen bolatyn.
