Shyǵys Qazaqstan oblysynda koronavirýsqa qarsy vaktsinanyń 1300 dozasy jetkizildi, dep habarlaidy "Ult aqparat".
Óskemende alǵashqy ekpeni ShQO Sanitariialyq-epidemiologiialyq baqylaý departamentiniń ókili Qanat Turdiev pen «Ana men bala ortalyǵy» ShJQ KMK bas dárigeri Ermek Omarbekov, Semeide ShQO Densaýlyq saqtaý basqarmasy basshysynyń orynbasary Dýman Berikuly jáne «Oblystyq perinataldyq ortalyǵy» ShJQ KMK bas dárigeri Arqat Daiyrbekov aldy.
«Pandemiia búkil álemge aitarlyqtai ózgeris ákeldi. Burynǵydai qalypty ómirge oralǵymyz kelse, bir-birimizge qonaqqa, kinoteatrlarǵa, teatrlarǵa barǵymyz kelse, týystarymyzben kedergisiz kórisýdi qalasaq, basty 2 shartty oryndaýymyz kerek. Ol vaktsina alý jáne QR Bas memlekettik sanitariialyq dárigeriniń barlyq nusqamalaryn oryndaý. Sonda ǵana indetti jeńe alamyz. Biz birgemiz! Bul pandemiiany birlese jeńemiz» - dedi Ermek Omarbekov.
Búginde ShQO-ǵa 1300 doza vaktsina jetkizildi. Alǵashqy vaktsinany Óskemen jáne Semei qalalarynyń emhanalary alady.
Oblystyń Densaýlyq saqtaý basqarmasynyń málimeti boiynsha, aqpan aiynyń basynda vaktsinalardy tasymaldaý jáne saqtaý úshin meditsinalyq uiymdarǵa qosymsha 16 biomeditsinalyq muzdatqysh pen kóp ret qoldanylatyn termotirkegishteri bar 60 termokonteiner satyp alynady.
Vaktsina salýǵa tek qarsy kórsetilimderi joq adamdar jiberiledi. Ekpe alar aldynda dárigerdiń mindetti tekserisi júrgiziledi. Sondai-aq vaktsinatsiia kezeńinde monitoring jáne ádistemelik kómek kórsetýdi uiymdastyrý úshin jumys komissiiasy qurylǵan.
Aita keteiik, búgin Qazaqstanda koronavirýs infektsiiasyn juqtyrý jáne taratý táýekeli joǵary sanattardy koronavirýsqa qarsy vaktsinalaý bastaldy. Qazaqstanda vaktsina erikti túrde salynady.
Elordadaǵy №6 qalalyq emhanada QR Densaýlyq saqtaý vitse-ministri – Bas memlekettik sanitar dáriger Erlan Qiiasov pen Densaýlyq saqtaý vitse-ministri Ajar Ǵiniiat koronavirýsqa qarsy vaktsina saldyrdy. Qazaqstannyń bas sanitary vaktsina alǵannan keiingi hal-jaǵdaiyn aitty.
