شىعىس قازاقستان وبلىسىندا كوروناۆيرۋسقا قارسى ۆاكتسينانىڭ 1300 دوزاسى جەتكٸزٸلدٸ, دەپ حابارلايدى "ۇلت اقپارات".
ٶسكەمەندە العاشقى ەكپەنٸ شقو سانيتارييالىق-ەپيدەميولوگييالىق باقىلاۋ دەپارتامەنتٸنٸڭ ٶكٸلٸ قانات تۇرديەۆ پەن «انا مەن بالا ورتالىعى» شجق كمك باس دەرٸگەرٸ ەرمەك وماربەكوۆ, سەمەيدە شقو دەنساۋلىق ساقتاۋ باسقارماسى باسشىسىنىڭ ورىنباسارى دۋمان بەرٸكۇلى جەنە «وبلىستىق پەريناتالدىق ورتالىعى» شجق كمك باس دەرٸگەرٸ ارقات دايىربەكوۆ الدى.
«پاندەمييا بٷكٸل ەلەمگە ايتارلىقتاي ٶزگەرٸس ەكەلدٸ. بۇرىنعىداي قالىپتى ٶمٸرگە ورالعىمىز كەلسە, بٸر-بٸرٸمٸزگە قوناققا, كينوتەاترلارعا, تەاترلارعا بارعىمىز كەلسە, تۋىستارىمىزبەن كەدەرگٸسٸز كٶرٸسۋدٸ قالاساق, باستى 2 شارتتى ورىنداۋىمىز كەرەك. ول ۆاكتسينا الۋ جەنە قر باس مەملەكەتتٸك سانيتارييالىق دەرٸگەرٸنٸڭ بارلىق نۇسقامالارىن ورىنداۋ. سوندا عانا ٸندەتتٸ جەڭە الامىز. بٸز بٸرگەمٸز! بۇل پاندەمييانى بٸرلەسە جەڭەمٸز» - دەدٸ ەرمەك وماربەكوۆ.
بٷگٸندە شقو-عا 1300 دوزا ۆاكتسينا جەتكٸزٸلدٸ. العاشقى ۆاكتسينانى ٶسكەمەن جەنە سەمەي قالالارىنىڭ ەمحانالارى الادى.
وبلىستىڭ دەنساۋلىق ساقتاۋ باسقارماسىنىڭ مەلٸمەتٸ بويىنشا, اقپان ايىنىڭ باسىندا ۆاكتسينالاردى تاسىمالداۋ جەنە ساقتاۋ ٷشٸن مەديتسينالىق ۇيىمدارعا قوسىمشا 16 بيومەديتسينالىق مۇزداتقىش پەن كٶپ رەت قولدانىلاتىن تەرموتٸركەگٸشتەرٸ بار 60 تەرموكونتەينەر ساتىپ الىنادى.
ۆاكتسينا سالۋعا تەك قارسى كٶرسەتٸلٸمدەرٸ جوق ادامدار جٸبەرٸلەدٸ. ەكپە الار الدىندا دەرٸگەردٸڭ مٸندەتتٸ تەكسەرٸسٸ جٷرگٸزٸلەدٸ. سونداي-اق ۆاكتسيناتسييا كەزەڭٸندە مونيتورينگ جەنە ەدٸستەمەلٸك كٶمەك كٶرسەتۋدٸ ۇيىمداستىرۋ ٷشٸن جۇمىس كوميسسيياسى قۇرىلعان.
ايتا كەتەيٸك, بٷگٸن قازاقستاندا كوروناۆيرۋس ينفەكتسيياسىن جۇقتىرۋ جەنە تاراتۋ تەۋەكەلٸ جوعارى ساناتتاردى كوروناۆيرۋسقا قارسى ۆاكتسينالاۋ باستالدى. قازاقستاندا ۆاكتسينا ەرٸكتٸ تٷردە سالىنادى.
ەلورداداعى №6 قالالىق ەمحانادا قر دەنساۋلىق ساقتاۋ ۆيتسە-مينيسترٸ – باس مەملەكەتتٸك سانيتار دەرٸگەر ەرلان قيياسوۆ پەن دەنساۋلىق ساقتاۋ ۆيتسە-مينيسترٸ اجار عينييات كوروناۆيرۋسقا قارسى ۆاكتسينا سالدىردى. قازاقستاننىڭ باس سانيتارى ۆاكتسينا العاننان كەيٸنگٸ حال-جاعدايىن ايتتى.
