Tanymal ánshi Sáken Maiǵazievtiń uly men kelini Astanaǵa qonys aýdaryp, jeke shańyraq kóterdi. Jas otbasynyń bul sheshimi áleýmettik jelide qyzý talqyǵa tústi, dep habarlaidy ult.kz.
Bul týraly ánshiniń kelini Ádiia áleýmettik jelidegi paraqshasynda jazdy. Ol jańa úige ornalasyp, turmystyq zattaryn retteýdiń erekshe áser syilaǵanyn atap ótken.
«Jańa úidi ornalastyrý, jańa ydystardy qoldaný – eń kúshti sezimderdiń biri», – dep jazdy Ádiia.
Onyń jazbasynan keiin oqyrmandar jas otbasynyń ata-anasynan bólek turý týraly sheshimine qatysty pikir bildire bastady. Ásirese Sáken Maiǵazievtiń jalǵyz ulynyń jeke shyǵýy kópshiliktiń nazaryn aýdarǵan.
Jeli qoldanýshylarynyń bir bóligi jas jubailardyń sheshimin qoldap, ár otbasy óz aldyna jeke turǵany durys ekenin aitsa, endi biri olardyń buǵan deiingi sózderin eske saldy.
«Onyń ústine jalǵyz ul», «Ár otbasy jeke turý kerek», «Suhbatynda bólek shyqpaimyz degen edi, báribir ketipti», «Sáken nege jalǵyz ulyn bólek shyǵardy eken?» – dep jazdy olar.
Sonymen qatar keibir oqyrman ene men kelinniń qarym-qatynasyna qatysty túrli boljam aityp, jas otbasynyń ne sebepti Astanaǵa kóshkenine qyzyǵýshylyq tanytty.
