Ánshi Sáken Maiǵaziev ómirden ótken anasyn saǵynyshpen eske alyp, áleýmettik jelidegi paraqshasynda jazba jariialady, dep habarlaidy ult.kz.

Óner iesi anasynyń kózi tirisinde aitqan, jadynda saqtalyp qalǵan ósietin bólisti.

"Óldi” dep jylama, “ólem-aý” dep jyla deitin anam. Anashymnyń qasynda otyrǵan Gúlsara apam da birneshe jyl buryn baqilyq bolǵan edi", — dep jazdy ánshi.

Jazbany oqyǵan jeli qoldanýshylary marqumdarǵa duǵa baǵyshtap, ánshiniń otbasyna kóńil aitty. «Apamyzdyń imany salamat bolsyn! Jany jánnatta bolǵai», — degen oqyrmandar jaqyndaryna sabyr tiledi.

Aita keteiik, Sáken Maiǵaziev anasynyń jaǵdaiyn suraǵan jeli qoldynýshylary týraly aitty.

Sáken Maiǵaziev kim?
 

Sáken Qordabaiuly Maiǵaziev - qazaqstandyq estrada ánshisi, «MýzART» tobynyń múshesi, Qazaqstannyń eńbek sińirgen qairatkeri. Ol 1975 jylǵy 1 qańtarda qazirgi Túrkistan oblysynyń Sozaq aýdanynda dúniege kelgen. «Daryn» memlekettik jastar syilyǵynyń iegeri.

Óner jolynda Júsipbek Elebekov atyndaǵy respýblikalyq estrada-tsirk kolledjinde, keiin Temirbek Júrgenov atyndaǵy óner akademiiasynda bilim alǵan. 2001 jyldan bastap «MýzART» tobynyń quramynda án aityp, kópshilikke tanyldy. Ánshilikpen qatar ustazdyqpen de ainalysyp, 2012 jyldan Elebekov atyndaǵy kolledjde sabaq bergen. 2018–2020 jyldary Júrgenov atyndaǵy Qazaq ulttyq óner akademiiasynyń shyǵarmashylyq jumystar jáne halyqaralyq bailanystar jónindegi prorektory qyzmetin atqarǵan.