Әнші Сәкен Майғазиев анасының көпшілікке ақ тілегін арнаған соңғы видеосы туралы айтып, ауылға барған сайын оның жанында көбірек болуға тырысқанын жеткізді, деп хабарлайды ult.kz.

Өнер иесінің сөзінше, анасының жұртқа ізгі тілегін жаудырған сәтін әлеуметтік желідегі парақшасында бөліскен. Сол жазбада әншінің анасы баршаға ақ батасын арнаған.

“Баршаңызға ақ тілегін жаудырған. Мен әлеуметтік желіге салған едім, соңғы рет”, – деді әнші.

Сәкен Майғазиев ауылға барған кездерінде анасына уақыт бөліп, қасында болуға тырысқанын да айтты. Әнші үшін елге сапарының маңызды бөлігі анасымен жүздесіп, жанында отыру болған.

Сондай-ақ өнер иесі анасының жағдайына алаңдап, әлеуметтік желі арқылы халін сұраған жандар туралы сөз қозғады. Оның әңгімесінен анасына деген перзенттік ықыласы мен көпшіліктің көрсеткен қамқорлығы аңғарылады.

Айта кетейік, Сәкен Майғазиев анасын еске алып, көзіне жас алды.

Сәкен Майғазиев кім?

Сәкен Қордабайұлы Майғазиев — қазақ эстрадасының танымал әншісі, “МузАРТ” тобының мүшесі, Қазақстанның еңбек сіңірген қайраткері. Ол 1975 жылғы 1 қаңтарда қазіргі Түркістан облысының Созақ ауданында дүниеге келген. 2001 жылдан бастап “МузАРТ” ансамблінің құрамында өнер көрсетіп келеді. 2013 жылы Қазақстанның еңбек сіңірген қайраткері атағын алған. Сондай-ақ “Дарын” мемлекеттік жастар сыйлығының иегері. 

Өнер иесі әншілікпен қатар ұстаздық және басқарушылық қызметтер атқарған. 2018–2020 жылдары Т. Жүргенов атындағы Қазақ ұлттық өнер академиясында шығармашылық жұмыстар және халықаралық байланыстар жөніндегі проректор болған.