QR Premer-Ministri Baqytjan Saǵyntaev áleýmettik kómekti jańa formatqa aýystyrý jumystaryn xalyqqa durys túsindirýdi tapsyrdy, dep xabarlaidy Ult.kz tilshisi QazAqparat agenttigine silteme jasap.
«Halyq áleýmettik kómek salasyndaǵy ózgeristerdi túsinýi kerek. Sondyqtan ony el azamattaryna durys jetkizýimiz shart. Biyl biz mindetti áleýmettik meditsinalyq saqtandyrý júiesin de engizeiin dep jatyrmyz. Kelesi jyldan bastap áleýmettik kómek boiynsha ózgerister bolady. Halyq sonyń barlyǵyn shatastyrmaýy qajet. Adamdarǵa barlyǵy túsinikti bolǵan jón. Mindetti áleýmettik meditsinalyq saqtandyrý bylai bolady, ataýly áleýmettik kómek bylai bolady dep, anyq-qanyǵyn aitý qajet. Halyq tarapynan suraqtar týyndamaýy tiis», - dedi Saǵyntaev Úkimettiń búgingi otyrysynda.
Osy oraida Úkimet basshysy jumyspen qamtý ortalyqtaryna basa nazar aýdarý qajettigin jetkizdi. Sebebi ol jerde kásibi mamandar eńbek istese, xalyqqa túsindirý jumystaryn sapaly túrde júrgizýge bolady.
Aita keteiik, kelesi jyldan bastap Qazaqstanda ataýly áleýmettik kómektiń jańa formaty engiziledi. Sonyń aiasynda járdemaqylar 25 paiyzǵa artady. Alaida atalǵan kómektiń ózindik sharttary bar.
