Kólik ishinde jolaýshy men áiel júrgizýshi jolaqysyn tóleýge qatysty janjaldasyp, arty adam ólimine ákelgen. Er adam áieldi sporttyq sómkeniń beldigimen tunshyqtyryp óltirip, keiin máiitin ózenge laqtyryp jibergen, dep habarlaidy ult.kz.
Oqiǵa Stavropol ólkesinde bolǵan. Tergeý málimetinshe, er adam tanys áielden ony kórshiles aýylǵa aparyp salýdy suraǵan. Jol aiaqtalǵannan keiin kólik aqysyna qatysty daý týyndaǵan.
Janjal kezinde er adam áielge shabýyl jasap, sporttyq sómkeniń beldigimen tunshyqtyrǵan. Áiel kóz jumǵannan keiin ol máiitti ózenge tastap, kólikti aidap ketýge áreket jasaǵan.
Alaida kúdiktiniń áreketi uzaqqa sozylmaǵan. Onyń kólik júrgizý mánerinen kúdiktengen jol-patrýldik politsiia inspektorlary er adamdy kóp uzamai toqtatyp, ustaǵan.
Quqyq qorǵaý organdary áieldiń máiitin birden taba almaǵan. Tek alty kúnnen keiin onyń denesi ózen aǵysymen 40 shaqyrym tómen jerden tabyldy.
Tergeý barysynda er adamnyń buǵan deiin birneshe ret sottalǵany anyqtaldy. Sot ony kináli dep tanyp, qatań rejimdegi koloniiaǵa 13 jylǵa bas bostandyǵynan aiyrdy.
