Roza Álqoja, Nurlan Alban jáne Aqbota Kerimbekova suhbattarynda nesie tóleitinin jasyrmaǵan. Al prodiýser Móldir Muqan ai saiynǵy tólemi 8 million teńge ekenin aitqan, dep habarlaidy ult.kz.
Roza Álqoja
Ánshi “Kezdesu” baǵdarlamasyna bergen suhbatynda jurt óner adamdarynyń turmysyn kóbine áleýmettik jelidegi sýretterine qarap baǵalaitynyn aitqan. Onyń sózinshe, ánshiler de ómiriniń jaqsy sátterin kórsetýge tyrysady. Roza Álqoja osy áńgimede óziniń de nesiege júginetinin jetkizgen.

“Áitpese kreditten kreditke júrgenińdi eshkim bilmeidi. Men kreditsiz ómir súre almaimyn”, – dedi ánshi.
Suhbat úzindisi 2026 jylǵy qazanda jariialanǵan. Ánshi qaryzynyń kólemi men ai saiynǵy tólemin atamaǵan.
Móldir Muqan
Prodiýser ózine 11 million teńgege brilliant alqa satyp alǵanyn aitqan videoda nesiesi baryn da jasyrmaǵan. Onyń bul málimdemesi 2026 jylǵy qarashada jariialandy.

“Qaryzymnyń baryn jasyrmaimyn. Ai saiyn 8 million nesie tóleimin”, – dedi Móldir Muqan.
Nurlan Alban
Nurlan Alban 2025 jylǵy shildede NEGE.kz-ke bergen suhbatynda bank aldyndaǵy mindettemesi baryn aitqan.

“Nesiem bar, tólep kele jatyrmyn”, – degen ánshi.
Ol óner adamdarynyń da el qatarly turmys keshetinin jetkizgen. Suhbatta nesieniń somasy men óteý merzimi kórsetilmegen.
Aqbota Kerimbekova
Aqbota Kerimbekova da sol materialda qajet kezde bankke júginetinin aitqan. Ánshiniń sózinshe, óner ieleriniń báriniń qarjylyq múmkindigi birdei emes.

“Nesie tóleitin qazaqtardyń qatarynda men de barmyn”, – dedi ol.
Ánshi toiǵa jii barǵanymen, aǵaiyn-týys pen dos-jarannyń qýanyshynda aqy suramaitynyn túsindirgen. Óz nesiesiniń kólemi men ai saiynǵy tólemin atamaǵan.