كٶلٸك ٸشٸندە جولاۋشى مەن ەيەل جٷرگٸزۋشٸ جولاقىسىن تٶلەۋگە قاتىستى جانجالداسىپ, ارتى ادام ٶلٸمٸنە ەكەلگەن. ەر ادام ەيەلدٸ سپورتتىق سٶمكەنٸڭ بەلدٸگٸمەن تۇنشىقتىرىپ ٶلتٸرٸپ, كەيٸن مەيٸتٸن ٶزەنگە لاقتىرىپ جٸبەرگەن, دەپ حابارلايدى ult.kz.
وقيعا ستاۆروپول ٶلكەسٸندە بولعان. تەرگەۋ مەلٸمەتٸنشە, ەر ادام تانىس ەيەلدەن ونى كٶرشٸلەس اۋىلعا اپارىپ سالۋدى سۇراعان. جول اياقتالعاننان كەيٸن كٶلٸك اقىسىنا قاتىستى داۋ تۋىنداعان.
جانجال كەزٸندە ەر ادام ەيەلگە شابۋىل جاساپ, سپورتتىق سٶمكەنٸڭ بەلدٸگٸمەن تۇنشىقتىرعان. ەيەل كٶز جۇمعاننان كەيٸن ول مەيٸتتٸ ٶزەنگە تاستاپ, كٶلٸكتٸ ايداپ كەتۋگە ەرەكەت جاساعان.
الايدا كٷدٸكتٸنٸڭ ەرەكەتٸ ۇزاققا سوزىلماعان. ونىڭ كٶلٸك جٷرگٸزۋ مەنەرٸنەن كٷدٸكتەنگەن جول-پاترۋلدٸك پوليتسييا ينسپەكتورلارى ەر ادامدى كٶپ ۇزاماي توقتاتىپ, ۇستاعان.
قۇقىق قورعاۋ ورگاندارى ەيەلدٸڭ مەيٸتٸن بٸردەن تابا الماعان. تەك التى كٷننەن كەيٸن ونىڭ دەنەسٸ ٶزەن اعىسىمەن 40 شاقىرىم تٶمەن جەردەن تابىلدى.
تەرگەۋ بارىسىندا ەر ادامنىڭ بۇعان دەيٸن بٸرنەشە رەت سوتتالعانى انىقتالدى. سوت ونى كٸنەلٸ دەپ تانىپ, قاتاڭ رەجيمدەگٸ كولونيياعا 13 جىلعا باس بوستاندىعىنان ايىردى.
