Qaraǵandy oblysynda alaiaqtyq úshin sottalǵan áielge zańsyz qoldanylǵan raqymshylyqtyń kúshi joiylyp, bastapqy jaza merzimi qaita qalpyna keltirildi, dep habarlaidy ult.kz.
Is materialdaryna sáikes, áiel buǵan deiin de alaiaqtyq jasaǵany úshin sottalǵan. Jazasyn óteý barysynda ol Instagram jelisinde áielder kiimin satatyny týraly jalǵan habarlandyrýlar jariialap, azamattardan aldyn ala tólem alǵan. Alaida tapsyrys berilgen taýarlardy jetkizbei, aqshany jeke qajetine jumsaǵan.
Temirtaý qalalyq soty ony alaiaqtyq jasaǵany úshin kináli dep tanyp, 3 jyl 6 aiǵa bas bostandyǵynan aiyrǵan.
Keiin apelliatsiialyq sot "Qazaqstan Respýblikasy Konstitýtsiiasynyń 30 jyldyǵyna bailanysty raqymshylyq jasaý týraly" zańdy qoldanyp, jaza merzimin 2 jyl 4 aiǵa deiin qysqartqan.
Alaida sot aktilerin tekserý kezinde raqymshylyqtyń zań talaptaryna qaishy qoldanylǵany anyqtaldy. Qoldanystaǵy zańnamaǵa sáikes, jazasyn óteý kezinde qasaqana qylmys jasaǵan adamdarǵa raqymshylyq berilmeidi.
Bas prokýratýranyń narazylyǵynan keiin raqymshylyq týraly sheshimniń kúshi joiylyp, sottalǵan áielge bastapqy úkim boiynsha 3 jyl 6 ailyq jaza qaita taǵaiyndaldy.
Prokýratýra ókilderi raqymshylyq gýmanizm aktisi bolǵanymen, ol jazasyn óteý kezinde qaita qylmys jasaǵan adamdarǵa qoldanylmaitynyn atap ótti.
