قاراعاندى وبلىسىندا الاياقتىق ٷشٸن سوتتالعان ەيەلگە زاڭسىز قولدانىلعان راقىمشىلىقتىڭ كٷشٸ جويىلىپ, باستاپقى جازا مەرزٸمٸ قايتا قالپىنا كەلتٸرٸلدٸ, دەپ حابارلايدى ult.kz.
ٸس ماتەريالدارىنا سەيكەس, ەيەل بۇعان دەيٸن دە الاياقتىق جاساعانى ٷشٸن سوتتالعان. جازاسىن ٶتەۋ بارىسىندا ول Instagram جەلٸسٸندە ەيەلدەر كيٸمٸن ساتاتىنى تۋرالى جالعان حابارلاندىرۋلار جارييالاپ, ازاماتتاردان الدىن الا تٶلەم العان. الايدا تاپسىرىس بەرٸلگەن تاۋارلاردى جەتكٸزبەي, اقشانى جەكە قاجەتٸنە جۇمساعان.
تەمٸرتاۋ قالالىق سوتى ونى الاياقتىق جاساعانى ٷشٸن كٸنەلٸ دەپ تانىپ, 3 جىل 6 ايعا باس بوستاندىعىنان ايىرعان.
كەيٸن اپەللياتسييالىق سوت "قازاقستان رەسپۋبليكاسى كونستيتۋتسيياسىنىڭ 30 جىلدىعىنا بايلانىستى راقىمشىلىق جاساۋ تۋرالى" زاڭدى قولدانىپ, جازا مەرزٸمٸن 2 جىل 4 ايعا دەيٸن قىسقارتقان.
الايدا سوت اكتٸلەرٸن تەكسەرۋ كەزٸندە راقىمشىلىقتىڭ زاڭ تالاپتارىنا قايشى قولدانىلعانى انىقتالدى. قولدانىستاعى زاڭناماعا سەيكەس, جازاسىن ٶتەۋ كەزٸندە قاساقانا قىلمىس جاساعان ادامدارعا راقىمشىلىق بەرٸلمەيدٸ.
باس پروكۋراتۋرانىڭ نارازىلىعىنان كەيٸن راقىمشىلىق تۋرالى شەشٸمنٸڭ كٷشٸ جويىلىپ, سوتتالعان ەيەلگە باستاپقى ٷكٸم بويىنشا 3 جىل 6 ايلىق جازا قايتا تاعايىندالدى.
پروكۋراتۋرا ٶكٸلدەرٸ راقىمشىلىق گۋمانيزم اكتٸسٸ بولعانىمەن, ول جازاسىن ٶتەۋ كەزٸندە قايتا قىلمىس جاساعان ادامدارعا قولدانىلمايتىنىن اتاپ ٶتتٸ.
