Ortalyq Aziia psihoanaliz ortalyǵynyń direktory, psiholog Anna Qudiiarova qoǵamdaǵy psihologiialyq ahýal men Dimash Qudaibergenniń tanymaldyǵyna qatysty pikir bildirdi, dep habarlaidy Ult.kz, Sn.kz-ke silteme jasap.
Psihologtyń aitýynsha, Qazaqstanda psihologiialyq mádeniet endi ǵana qalyptasyp keledi. Onyń sózinshe, qoǵamda uiat pen kiná uǵymdary jii shatastyrylady, bul adamdardyń erkin damýyna kedergi keltiredi.
«Meniń boljamym boiynsha, bizdiń qoǵam psihologiialyq turǵydan shekaralyq deńgeide qalyp qoiǵandai áser qaldyrady. “Qazaqty uiat óltiredi” degen sóz beker aitylmaǵan. Uiat - kiná sezimimen birdei uǵym emes. Qazir adamdardyń mádenieti ózgerip jatyr. Ishki qundylyqtardy birtindep rettep kelemiz, endi syrtqy qundylyqtardy da jańartý qajet», - dedi psiholog.
Suhbat barysynda ol Dimash Qudaibergenniń álemdik tanymaldyǵyna qatysty da oiyn aitty.
«Qytai bolmasa, Dimashty kim tanityn edi?» - degen pikiri áleýmettik jelide keńinen talqylanyp jatyr.
Aita keteiik, atalǵan pikirler QASQA JOL YouTube jobasynyń kezekti shyǵarylymynda aitylǵan. Baǵdarlamada qazaq qoǵamynyń psihologiialyq jai-kúii, otbasylyq qundylyqtar jáne qoǵamdaǵy ózekti máseleler sóz bolǵan.
