Qazaqstan Úkimeti 2026 jyly Italiianyń Milan jáne Kortina-d’Ampetstso qalalarynda ótken XIV qysqy Paralimpiada oiyndarynyń jeńimpazdary men júldegerlerine, sondai-aq olardyń jattyqtyrýshylaryna aqshalai syiaqy berý týraly qaýly qabyldady, dep habarlaidy ult.kz.
Úkimettiń sheshimine sáikes, qysqy Paralimpiadada júlde alǵan jáne úzdik altylyqqa engen qazaqstandyq sportshylar men olardyń alǵashqy, jeke jáne bas jattyqtyrýshylaryna jalpy somasy 388 million teńgeden astam syiaqy tólendi.
Aqshalai marapatqa para biatlon, para shańǵy jarysy jáne para shańǵy estafetasynda óner kórsetken Erbol Hamitov, para shańǵy jarysy men para shańǵy estafetasynyń ókili Aleksandr Gerlits, sondai-aq para shańǵy estafetasynyń qatysýshysy Vladislav Kobal ie boldy.
Sonymen qatar Paralimpiada chempionyna jergilikti atqarýshy organ tarapynan qosymsha áleýmettik qoldaý kórsetiledi. Atap aitqanda, ákimdik chempionǵa kommýnaldyq turǵyn úi qorynan tegin páter beredi.
