قازاقستان ٷكٸمەتٸ 2026 جىلى يتالييانىڭ ميلان جەنە كورتينا-د’امپەتستسو قالالارىندا ٶتكەن XIV قىسقى پاراليمپيادا ويىندارىنىڭ جەڭٸمپازدارى مەن جٷلدەگەرلەرٸنە, سونداي-اق ولاردىڭ جاتتىقتىرۋشىلارىنا اقشالاي سىياقى بەرۋ تۋرالى قاۋلى قابىلدادى, دەپ حابارلايدى ult.kz.
ٷكٸمەتتٸڭ شەشٸمٸنە سەيكەس, قىسقى پاراليمپيادادا جٷلدە العان جەنە ٷزدٸك التىلىققا ەنگەن قازاقستاندىق سپورتشىلار مەن ولاردىڭ العاشقى, جەكە جەنە باس جاتتىقتىرۋشىلارىنا جالپى سوماسى 388 ميلليون تەڭگەدەن استام سىياقى تٶلەندٸ.
اقشالاي ماراپاتقا پارا بياتلون, پارا شاڭعى جارىسى جەنە پارا شاڭعى ەستافەتاسىندا ٶنەر كٶرسەتكەن ەربول حاميتوۆ, پارا شاڭعى جارىسى مەن پارا شاڭعى ەستافەتاسىنىڭ ٶكٸلٸ الەكساندر گەرليتس, سونداي-اق پارا شاڭعى ەستافەتاسىنىڭ قاتىسۋشىسى ۆلاديسلاۆ كوبال يە بولدى.
سونىمەن قاتار پاراليمپيادا چەمپيونىنا جەرگٸلٸكتٸ اتقارۋشى ورگان تاراپىنان قوسىمشا ەلەۋمەتتٸك قولداۋ كٶرسەتٸلەدٸ. اتاپ ايتقاندا, ەكٸمدٸك چەمپيونعا كوممۋنالدىق تۇرعىن ٷي قورىنان تەگٸن پەتەر بەرەدٸ.
