Ánshi Erdos Qanaev áleýmettik jelidegi jazbasynda ajyrasýǵa keńes beretin koýchtar men ózin "danyshpan" sanaityn adamdardy synǵa aldy, dep habarlaidy ult.kz.
Onyń aitýynsha, olardyń sózine senip ajyrasqan áielder men balalardyń jaǵdaiyna sol keńes berýshiler jaýapty bolýy kerek.
"Qolymda bilik bolsa, “koýchsymaqtar men danyshpansymaqtardyń” sózine senip ajyrasyp jatqan, sóitip bala-shaǵasyn asyrai almai, baqytsyz bolyp jatqan barlyq áieldiń bala-shaǵasyn asyraýdy solardyń moinyna júkteitin edim. Áielinen aiyrylǵan erkektiń endigi úilenetin toiyn, qyzǵa berer qalyńmalyn – bárin solardyń moinyna júkteitin edim. Qiiamette jaýap beresińder", - dep jazdy ánshi.
Erdos Qanaev kim?
Erdos Qanaev – qazaqstandyq ánshi, kópshilikke «Jigitter» kvartetiniń múshesi retinde tanylǵan óner iesi. Top qazaq estradasynda birneshe jyldan beri óner kórsetip, lirikalyq jáne ulttyq naqyshtaǵy ánderimen tyńdarman jinady. Ol «Jigitter» tobynyń múshesi.
Ánshi jeke shyǵarmashylyǵymen de tanylǵan. Máselen, avtorlyq quqyq ieleriniń qazaqstandyq tiziliminde «Arai» ániniń oryndaýshysy retinde Erdos Qanaevtyń esimi kórsetilgen.
Erdos Qanaev túrli televiziialyq jobalarǵa da qatysqan. 2019 jyly «Astana» telearnasynyń «Toi jyry» baǵdarlamasynyń jeke shyǵarylymy ánshige arnalǵan.
Óner iesi áleýmettik jelide otbasy, ata-ana men bala tárbiesi, adamgershilik qundylyqtar jónindegi pikirlerin de jii ortaǵa salady. Buǵan deiin ol ata-anany qurmetteý týraly oiyn aityp, ár adamnyń áke-sheshesiniń aldyndaǵy jaýapkershiligine toqtalǵan edi.
Sońǵy ýaqytta ánshiniń qoǵamdaǵy túrli máselelerge qatysty jazbalary da kópshilik nazaryn aýdaryp júr.
Aita keteiik, Aqbota Kerimbekova balalyq shaǵyndaǵy aýyr kezeńdi eske aldy.
