Aqtaý máiithanasyna qaza tapqan áskeri qyzmetshilerdiń týystary jinaldy, dep habarlaidy ult.kz.
Aqtaýda qaza tapqan áskeri qyzmetshilerdiń týystary men jaqyndary qalalyq máiithananyń aldyna jinaldy. Olar qaza bolǵan sarbazdardy taný rásimin ótkizýdi talap etti.
Qazir jergilikti bilik áskeri qyzmetshilerdiń máiitterin týǵan jerlerine jetkizý jumystaryn uiymdastyryp jatyr. Olardy Aqtaý máiithanasynda týystaryna berý josparlanbaǵan.
Mańǵystaý oblysy ákiminiń orynbasary Ǵalymjan Niiazov máiitter qysqa merzim ishinde qaza tapqan áskeri qyzmetshilerdiń turǵylyqty jerlerine jetkiziletinin aitty. Sol jerde máiitter týystaryna tabystalady.
Qazaqstandyqtar marqumdardyń qazasyn týystaryna qaǵazdan oqyp estirtkenge narazy boldy.
Ne jaǵdai boldy?
Aldyn ala málimet boiynsha, oqý-jattyǵý kezinde Kaspii teńizine 19 áskeri qyzmetshi barǵan. Qazirgi ýaqytta olardyń on ekisi qaza tapqany belgili boldy. Úsh áskeri qyzmetshi qutqarylǵan. Olardyń bireýi aýrýhanaǵa jatqyzyldy. Qalǵan áskeri qyzmetshilerdi izdestirý jumystary jalǵasyp jatyr.
Oqiǵa ornyna qutqarý qyzmetteriniń kúshteri men quraldary dereý jiberilgen. Izdestirý-qutqarý jumystaryna Áskeri-teńiz kúshteri men Tótenshe jaǵdailar ministrliginiń bólimsheleri, aviatsiia jáne basqa da tiisti qyzmetter jumyldyryldy.
Oqiǵanyń sebepterin anyqtaý úshin Úkimettik komissiia quryldy. Qazaqstan Respýblikasy Premer-ministriniń ókimimen qurylǵan komissiiaǵa Premer-ministrdiń orynbasary Qanat Bozymbaev jetekshilik etedi.
Komissiia quramyna Qorǵanys ministri, Mańǵystaý oblysynyń ákimi, Eńbek jáne halyqty áleýmettik qorǵaý, Tótenshe jaǵdailar, Densaýlyq saqtaý jáne Kólik ministrlikteriniń basshylyǵy, Bas áskeri prokýror jáne Shekara qyzmetiniń ókilderi kirdi.
Premer-ministr Oljas Bektenov komissiia tóraǵasy Qanat Bozymbaevqa oqiǵa ornyna shuǵyl baryp, áskeri qyzmetshilerdiń qaza bolý sebepterin anyqtaýdy tapsyrdy.
Sonymen qatar komissiiaǵa qaza tapqan áskeri qyzmetshilerdiń otbasylaryna qajetti kómek kórsetý tapsyryldy.
Keiin qaza tapqan áskeri qyzmetshilerdiń aty-jóni jariialandy. Memleket basshysy Qasym-Jomart Toqaev qaza bolǵandardyń otbasylaryna kóńil aitty.
Mańǵystaýdaǵy áskeri oqý-jattyǵý kezinde aýa raiy qolaisyz bolǵany aityldy
Kaspii teńizinde áskeri qyzmetshiler qaza tapqan qaiǵyly oqiǵadan keiin Mańǵystaý oblysyndaǵy sol kúngi aýa raiy boljamy da talqylana bastady.
Qazgidromet 24 qyrkúiekte óńirde qolaisyz aýa raiy kútiletini týraly daýyldy eskertý jariialaǵan. Boljamǵa sáikes, oblystyń batysy, soltústigi jáne ortalyǵynda ońtústik-shyǵystan soqqan jeldiń ekpini sekýndyna 15–20 metrge deiin jetýi múmkin bolǵan. Soltústik jáne ortalyq aýdandarda shańdy daýyl soǵýy yqtimal ekeni de eskertilgen.
Al 25 qyrkúiekke arnalǵan boljamda oblystyń soltústik-batysynda jańbyr men naizaǵai kútiletini aitylǵan. Túnde jeldiń ekpini 15–18 m/s-qa deiin kúsheiýi múmkin bolǵan.
Oqiǵadan keiin áleýmettik jeli qoldanýshylary áskeri oqý-jattyǵýdyń osyndai aýa raiy jaǵdaiynda ótkizilgenine nazar aýdardy. Keibir azamattar daýyldy eskertýge qaramastan oqý-jattyǵýdy ótkizý týraly sheshim qabyldaǵan jaýapty tulǵalardyń áreketine quqyqtyq baǵa berilýi qajet degen pikir bildirdi.
Oqiǵanyń naqty sebepteri men oqý-jattyǵýdy ótkizý kezinde qaýipsizdik talaptarynyń saqtalýy úkimettik komissiianyń tekserýinen keiin belgili bolady.
