اقتاۋ مەيٸتحاناسىنا قازا تاپقان ەسكەري قىزمەتشٸلەردٸڭ تۋىستارى جينالدى, دەپ حابارلايدى ult.kz.

اقتاۋدا قازا تاپقان ەسكەري قىزمەتشٸلەردٸڭ تۋىستارى مەن جاقىندارى قالالىق مەيٸتحانانىڭ الدىنا جينالدى. ولار قازا بولعان ساربازداردى تانۋ رەسٸمٸن ٶتكٸزۋدٸ تالاپ ەتتٸ.

قازٸر جەرگٸلٸكتٸ بيلٸك ەسكەري قىزمەتشٸلەردٸڭ مەيٸتتەرٸن تۋعان جەرلەرٸنە جەتكٸزۋ جۇمىستارىن ۇيىمداستىرىپ جاتىر. ولاردى اقتاۋ مەيٸتحاناسىندا تۋىستارىنا بەرۋ جوسپارلانباعان.

ماڭعىستاۋ وبلىسى ەكٸمٸنٸڭ ورىنباسارى عالىمجان نييازوۆ مەيٸتتەر قىسقا مەرزٸم ٸشٸندە قازا تاپقان ەسكەري قىزمەتشٸلەردٸڭ تۇرعىلىقتى جەرلەرٸنە جەتكٸزٸلەتٸنٸن ايتتى. سول جەردە مەيٸتتەر تۋىستارىنا تابىستالادى.

قازاقستاندىقتار مارقۇمداردىڭ قازاسىن تۋىستارىنا قاعازدان وقىپ ەستٸرتكەنگە نارازى بولدى. 

نە جاعداي بولدى?

الدىن الا مەلٸمەت بويىنشا, وقۋ-جاتتىعۋ كەزٸندە كاسپيي تەڭٸزٸنە 19 ەسكەري قىزمەتشٸ بارعان. قازٸرگٸ ۋاقىتتا ولاردىڭ ون ەكٸسٸ قازا تاپقانى بەلگٸلٸ بولدى. ٷش ەسكەري قىزمەتشٸ قۇتقارىلعان. ولاردىڭ بٸرەۋٸ اۋرۋحاناعا جاتقىزىلدى. قالعان ەسكەري قىزمەتشٸلەردٸ ٸزدەستٸرۋ جۇمىستارى جالعاسىپ جاتىر.

وقيعا ورنىنا قۇتقارۋ قىزمەتتەرٸنٸڭ كٷشتەرٸ مەن قۇرالدارى دەرەۋ جٸبەرٸلگەن. ٸزدەستٸرۋ-قۇتقارۋ جۇمىستارىنا ەسكەري-تەڭٸز كٷشتەرٸ مەن تٶتەنشە جاعدايلار مينيسترلٸگٸنٸڭ بٶلٸمشەلەرٸ, اۆياتسييا جەنە باسقا دا تيٸستٸ قىزمەتتەر جۇمىلدىرىلدى.

وقيعانىڭ سەبەپتەرٸن انىقتاۋ ٷشٸن ٷكٸمەتتٸك كوميسسييا قۇرىلدى. قازاقستان رەسپۋبليكاسى پرەمەر-مينيسترٸنٸڭ ٶكٸمٸمەن قۇرىلعان كوميسسيياعا پرەمەر-مينيستردٸڭ ورىنباسارى قانات بوزىمباەۆ جەتەكشٸلٸك ەتەدٸ.

كوميسسييا قۇرامىنا قورعانىس مينيسترٸ, ماڭعىستاۋ وبلىسىنىڭ ەكٸمٸ, ەڭبەك جەنە حالىقتى ەلەۋمەتتٸك قورعاۋ, تٶتەنشە جاعدايلار, دەنساۋلىق ساقتاۋ جەنە كٶلٸك مينيسترلٸكتەرٸنٸڭ باسشىلىعى, باس ەسكەري پروكۋرور جەنە شەكارا قىزمەتٸنٸڭ ٶكٸلدەرٸ كٸردٸ.

پرەمەر-مينيستر ولجاس بەكتەنوۆ كوميسسييا تٶراعاسى قانات بوزىمباەۆقا وقيعا ورنىنا شۇعىل بارىپ, ەسكەري قىزمەتشٸلەردٸڭ قازا بولۋ سەبەپتەرٸن انىقتاۋدى تاپسىردى.

سونىمەن قاتار كوميسسيياعا قازا تاپقان ەسكەري قىزمەتشٸلەردٸڭ وتباسىلارىنا قاجەتتٸ كٶمەك كٶرسەتۋ تاپسىرىلدى.

كەيٸن قازا تاپقان ەسكەري قىزمەتشٸلەردٸڭ اتى-جٶنٸ جارييالاندى. مەملەكەت باسشىسى قاسىم-جومارت توقاەۆ قازا بولعانداردىڭ وتباسىلارىنا كٶڭٸل ايتتى.

ماڭعىستاۋداعى ەسكەري وقۋ-جاتتىعۋ كەزٸندە اۋا رايى قولايسىز بولعانى ايتىلدى

كاسپيي تەڭٸزٸندە ەسكەري قىزمەتشٸلەر قازا تاپقان قايعىلى وقيعادان كەيٸن ماڭعىستاۋ وبلىسىنداعى سول كٷنگٸ اۋا رايى بولجامى دا تالقىلانا باستادى.

قازگيدرومەت 24 قىركٷيەكتە ٶڭٸردە قولايسىز اۋا رايى كٷتٸلەتٸنٸ تۋرالى داۋىلدى ەسكەرتۋ جارييالاعان. بولجامعا سەيكەس, وبلىستىڭ باتىسى, سولتٷستٸگٸ جەنە ورتالىعىندا وڭتٷستٸك-شىعىستان سوققان جەلدٸڭ ەكپٸنٸ سەكۋندىنا 15–20 مەترگە دەيٸن جەتۋٸ مٷمكٸن بولعان. سولتٷستٸك جەنە ورتالىق اۋدانداردا شاڭدى داۋىل سوعۋى ىقتيمال ەكەنٸ دە ەسكەرتٸلگەن.

ال 25 قىركٷيەككە ارنالعان بولجامدا وبلىستىڭ سولتٷستٸك-باتىسىندا جاڭبىر مەن نايزاعاي كٷتٸلەتٸنٸ ايتىلعان. تٷندە جەلدٸڭ ەكپٸنٸ 15–18 م/س-قا دەيٸن كٷشەيۋٸ مٷمكٸن بولعان.

وقيعادان كەيٸن ەلەۋمەتتٸك جەلٸ قولدانۋشىلارى ەسكەري وقۋ-جاتتىعۋدىڭ وسىنداي اۋا رايى جاعدايىندا ٶتكٸزٸلگەنٸنە نازار اۋداردى. كەيبٸر ازاماتتار داۋىلدى ەسكەرتۋگە قاراماستان وقۋ-جاتتىعۋدى ٶتكٸزۋ تۋرالى شەشٸم قابىلداعان جاۋاپتى تۇلعالاردىڭ ەرەكەتٸنە قۇقىقتىق باعا بەرٸلۋٸ قاجەت دەگەن پٸكٸر بٸلدٸردٸ.

وقيعانىڭ ناقتى سەبەپتەرٸ مەن وقۋ-جاتتىعۋدى ٶتكٸزۋ كەزٸندە قاۋٸپسٸزدٸك تالاپتارىنىڭ ساقتالۋى ٷكٸمەتتٸك كوميسسييانىڭ تەكسەرۋٸنەن كەيٸن بەلگٸلٸ بولادى.