Qazaqstandyq ánshi BikaBreezy-diń Bashi áni Qytaida 2026 jyldyń áni atandy. Bul týraly ánshiniń ózi áleýmettik jelidegi paraqshasynda qýanyshyn bólisti, dep habarlaidy ult.kz.
Óner iesi bul jetistikti tyńdarmandary men ánine qoldaý kórsetken jandarǵa arnaǵan.
«Biz muny jasadyq! We did it!» dep jazǵan BikaBreezy.
Ánshi kompozitsiiasyn tyńdap, qaita-qaita qosqan tyńdarmandaryna, Bashi áýenimen bilegen bishilerge jáne ándi klýbtarda qoiǵan didjeilerge alǵys aitty.
Sonymen qatar ol Qytaiǵa mýzykasyn jáne ózin artist retinde moiyndaǵany úshin rizashylyǵyn bildirdi.
Aita keteiik, Bashi ánin BikaBreezy qytailyq mýzykant Jaytrue-men birge oryndaǵan. Kompozitsiia 2026 jyldyń aqpanynda jaryq kórgen.
Án ataýy qytaidyń Sychýan–Chýntsin óńirlerinde qoldanylatyn «巴适» (Bashi) sózinen alynǵan. Ol shamamen «jaily», «keremet», «rahat» degen maǵynalardy bildiredi.
BikaBreezy buǵan deiin The Rap of China 2026 jobasyna qatysyp, Qytai aýditoriiasyna keńinen tanylǵan.
