قازاقستاندىق ەنشٸ BikaBreezy-دٸڭ Bashi ەنٸ قىتايدا 2026 جىلدىڭ ەنٸ اتاندى. بۇل تۋرالى ەنشٸنٸڭ ٶزٸ ەلەۋمەتتٸك جەلٸدەگٸ پاراقشاسىندا قۋانىشىن بٶلٸستٸ, دەپ حابارلايدى ult.kz.
ٶنەر يەسٸ بۇل جەتٸستٸكتٸ تىڭدارماندارى مەن ەنٸنە قولداۋ كٶرسەتكەن جاندارعا ارناعان.
«بٸز مۇنى جاسادىق! We did it!» دەپ جازعان BikaBreezy.
ەنشٸ كومپوزيتسيياسىن تىڭداپ, قايتا-قايتا قوسقان تىڭدارماندارىنا, Bashi ەۋەنٸمەن بيلەگەن بيشٸلەرگە جەنە ەندٸ كلۋبتاردا قويعان ديدجەيلەرگە العىس ايتتى.
سونىمەن قاتار ول قىتايعا مۋزىكاسىن جەنە ٶزٸن ارتيست رەتٸندە مويىنداعانى ٷشٸن ريزاشىلىعىن بٸلدٸردٸ.
ايتا كەتەيٸك, Bashi ەنٸن BikaBreezy قىتايلىق مۋزىكانت Jaytrue-مەن بٸرگە ورىنداعان. كومپوزيتسييا 2026 جىلدىڭ اقپانىندا جارىق كٶرگەن.
ەن اتاۋى قىتايدىڭ سىچۋان–چۋنتسين ٶڭٸرلەرٸندە قولدانىلاتىن «巴适» (Bashi) سٶزٸنەن الىنعان. ول شامامەن «جايلى», «كەرەمەت», «راحات» دەگەن ماعىنالاردى بٸلدٸرەدٸ.
BikaBreezy بۇعان دەيٸن The Rap of China 2026 جوباسىنا قاتىسىپ, قىتاي اۋديتوريياسىنا كەڭٸنەن تانىلعان.
