Almaty qalasynda Qazaqstan Respýblikasynyń Ulttyq ortalyq mýzeiindegi jeldetý jáne aýa baptaý júiesin jańǵyrtý jumystary aiaqtaldy. Joba Memleket basshysynyń tarihi-mádeni murany saqtaý jáne mýzeilerdiń materialdyq-tehnikalyq bazasyn nyǵaitý jónindegi tapsyrmalaryn iske asyrý aiasynda júzege asyryldy, dep habarlaidy ult.kz QR Mádeniet jáne aqparat ministrliginiń baspasóz qyzmetine silteme jasap.
Ortalyq Aziiadaǵy eń iri mýzeilerdiń biri sanalatyn mekeme úshin injenerlik júielerdi jańartý airyqsha mańyzdy. Búginde Ulttyq ortalyq mýzei qorynda arheologiialyq jádigerler, qoljazbalar, qujattar, óner týyndylary men Qazaqstan tarihynan syr shertetin ózge de qundy muralardy qosa alǵanda 300 myńnan astam eksponat saqtaýly.
Zamanaýi jeldetý jáne aýa baptaý júiesi mýzei qoryndaǵy jádigerlerdi saqtaý jaǵdaiyn jaqsartýǵa, ekspozitsiialyq jumystyń sapasyn arttyrýǵa jáne kelýshilerge, zertteýshiler men mýzei mamandaryna qolaily orta qalyptastyrýǵa múmkindik beredi. Jobany júzege asyrý úshin arnaiy merdiger uiym tartylyp, qajetti jabdyqtar eýropalyq óndirýshiden tikelei satyp alyndy.
Joba Bolat Ótemuratov qorynyń qoldaýymen júzege asyryldy. Jumystar 2025 jyldyń qyrkúieginde bastalyp, 2026 jylǵy 20 mamyrda tolyq aiaqtaldy.
