الماتى قالاسىندا قازاقستان رەسپۋبليكاسىنىڭ ۇلتتىق ورتالىق مۋزەيٸندەگٸ جەلدەتۋ جەنە اۋا باپتاۋ جٷيەسٸن جاڭعىرتۋ جۇمىستارى اياقتالدى. جوبا مەملەكەت باسشىسىنىڭ تاريحي-مەدەني مۇرانى ساقتاۋ جەنە مۋزەيلەردٸڭ ماتەريالدىق-تەحنيكالىق بازاسىن نىعايتۋ جٶنٸندەگٸ تاپسىرمالارىن ٸسكە اسىرۋ اياسىندا جٷزەگە اسىرىلدى, دەپ حابارلايدى ult.kz قر مەدەنيەت جەنە اقپارات مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
ورتالىق ازيياداعى ەڭ ٸرٸ مۋزەيلەردٸڭ بٸرٸ سانالاتىن مەكەمە ٷشٸن ينجەنەرلٸك جٷيەلەردٸ جاڭارتۋ ايرىقشا ماڭىزدى. بٷگٸندە ۇلتتىق ورتالىق مۋزەي قورىندا ارحەولوگييالىق جەدٸگەرلەر, قولجازبالار, قۇجاتتار, ٶنەر تۋىندىلارى مەن قازاقستان تاريحىنان سىر شەرتەتٸن ٶزگە دە قۇندى مۇرالاردى قوسا العاندا 300 مىڭنان استام ەكسپونات ساقتاۋلى.
زاماناۋي جەلدەتۋ جەنە اۋا باپتاۋ جٷيەسٸ مۋزەي قورىنداعى جەدٸگەرلەردٸ ساقتاۋ جاعدايىن جاقسارتۋعا, ەكسپوزيتسييالىق جۇمىستىڭ ساپاسىن ارتتىرۋعا جەنە كەلۋشٸلەرگە, زەرتتەۋشٸلەر مەن مۋزەي ماماندارىنا قولايلى ورتا قالىپتاستىرۋعا مٷمكٸندٸك بەرەدٸ. جوبانى جٷزەگە اسىرۋ ٷشٸن ارنايى مەردٸگەر ۇيىم تارتىلىپ, قاجەتتٸ جابدىقتار ەۋروپالىق ٶندٸرۋشٸدەن تٸكەلەي ساتىپ الىندى.
جوبا بولات ٶتەمۇراتوۆ قورىنىڭ قولداۋىمەن جٷزەگە اسىرىلدى. جۇمىستار 2025 جىلدىڭ قىركٷيەگٸندە باستالىپ, 2026 جىلعى 20 مامىردا تولىق اياقتالدى.
