بٷگٸن سەمەيدە دارىندى بالالارعا ارنالعان جاڭا وبلىستىق مامانداندىرىلعان «بٸلٸم-يننوۆاتسييا» ليتسەيٸنٸڭ ٸرگەتاسىن قالاۋ رەسٸمٸ ٶتتٸ. سالتاناتتى شاراعا وبلىس ەكٸمٸ بەرٸك ۋەلي, «بٸلٸم-يننوۆاتسييا» حالىقارالىق قوعامدىق قورىنىڭ پرەزيدەنتٸ دارحان ٶتە قاتىستى, دەپ حابارلايدى ult.kz.
ايماق باسشىسى قۇتتىقتاۋ سٶزٸندە جاڭا بٸلٸم ورداسىنىڭ ٶڭٸر ٷشٸن ماڭىزى ەرەكشە ەكەنٸن اتاپ ٶتتٸ.
«بٷگٸن بٸز وبلىسىمىزدىڭ بٸلٸم بەرۋ جٷيەسٸ ٷشٸن ايرىقشا ماڭىزعا يە تاريحي سەتتٸڭ كۋەسٸ بولىپ وتىرمىز. قاراعايلى تۇرعىن اۋدانىندا دارىندى بالالارعا ارنالعان جاڭا وبلىستىق مامانداندىرىلعان «بٸلٸم-يننوۆاتسييا» ليتسەيٸنٸڭ ٸرگەتاسىن قالاۋ رەسٸمٸ – ٶڭٸرٸمٸزدٸڭ بٸلٸم سالاسىنداعى جارقىن بولاشاققا باعىتتالعان ماڭىزدى قادام. مەملەكەت باسشىسى قاسىم-جومارت كەمەلۇلى توقاەۆ قازاقستان حالقىنا ارناعان جولداۋىندا بٸلٸم مەن عىلىمدى دامىتۋ, ادامي كاپيتالدى نىعايتۋ, جاس ۇرپاقتىڭ زيياتكەرلٸك ەلەۋەتٸن ارتتىرۋ ەل دامۋىنىڭ ستراتەگييالىق باسىمدىقتارى ەكەنٸن ٷنەمٸ اتاپ ٶتٸپ كەلەدٸ. پرەزيدەنت ايقىنداعان وسى مٸندەتتەر اياسىندا بٷگٸنگٸ قولعا الىنىپ وتىرعان يگٸ باستامانىڭ ماڭىزى ەرەكشە. ٶيتكەنٸ, مەكتەپ سالۋ – عيمارات تۇرعىزۋ عانا ەمەس, ول – ەلدٸڭ ەرتەڭٸنە, جاس ۇرپاقتىڭ بٸلٸمٸ مەن بولاشاعىنا سالىنعان ينۆەستيتسييا دەپ بٸلەمٸز. جوبانىڭ تاعى بٸر ماڭىزدى قىرى – جاڭا عيمارات پايدالانۋعا بەرٸلگەننەن كەيٸن قازٸرگٸ ليتسەي ورنالاسقان عيماراتتى كٷردەلٸ جٶندەۋدەن ٶتكٸزٸپ, قىز بالالارعا ارنالعان مامانداندىرىلعان ليتسەي رەتٸندە اشۋدى جوسپارلاپ وتىرمىز. وسىلايشا, بٷگٸنگٸ قۇرىلىس ەكٸ بٸردەي يگٸ ماقساتقا جول اشادى: بٸرٸنشٸدەن, ۇلدار مەن قىزدارعا ارنالعان بٸلٸم بەرۋ باعىتتارىن دامىتۋعا مٷمكٸندٸك بەرەدٸ; ەكٸنشٸدەن, ٶڭٸردەگٸ دارىندى بالالاردىڭ ساپالى بٸلٸم الۋىنا قولجەتٸمدٸلٸكتٸ ارتتىرادى. بٷگٸن قالانىپ جاتقان ٸرگەتاس – ەرتەڭگٸ ٷلكەن جەتٸستٸكتەردٸڭ باستاۋى. وسى يگٸ ٸسكە اتسالىسىپ وتىرعان بارشا ازاماتتارعا شىنايى العىسىمدى بٸلدٸرەمٸن», – دەدٸ بەرٸك ۋەلي.
دارىندى بالالارعا ارنالعان مامانداندىرىلعان بٸلٸم بەرۋ ۇيىمدارىنا سۇرانىستىڭ ارتۋىنا بايلانىستى 400 ورىندىق جاڭا ليتسەيدٸڭ قۇرىلىسى قولعا الىندى. عيمارات جانىنان 300 وقۋشىعا ارنالعان جاتاقحانا سالىنادى. جوبا قۇنى – 6,8 ملرد تەڭگە. نىسان 4,7 گەكتار جەر ۋچاسكەسٸندە ورنالاسادى. عيمارات ٷش قاباتتان تۇرادى. جوبادا ماتەماتيكا, فيزيكا, حيمييا, بيولوگييا, ينفورماتيكا جەنە روبوتوتەحنيكا پەندەرٸنە ارنالعان وقۋ كابينەتتەرٸ, جاراتىلىستانۋ باعىتىنداعى زەرتحانالار مەن زاماناۋي IT سىنىپتارى قاراستىرىلعان.
سونىمەن قاتار, مۇندا شىعارماشىلىق ٷيٸرمەلەرگە ارنالعان بٶلمەلەر, سپورت زالى, اسحانا, كٸتاپحانا, مەجٸلٸس زالى جەنە مەديتسينالىق كابينەت بولادى. عيمارات اۋماعىندا دەمالىس ورىندارى, كٶگالداندىرۋ ايماقتارى, جاياۋ جٷرگٸنشٸلەر جولدارى مەن اۆتوتۇراق سالۋ كٶزدەلگەن.
جاڭا بٸلٸم ورداسىنىڭ ٸرگەتاسىن قالاۋ رەسٸمٸندە سٶز سٶيلەگەن ۇستازدار مەن اتا-انالار ٶز ريزاشىلىقتارىن جەتكٸزدٸ.
«32 جىل بۇرىن دەل وسى كٷنٸ قازٸرگٸ «بٸلٸم-يننوۆاتسييا» ليتسەيٸ اشىلعان بولاتىن. باسىندا 100 بالا قابىلدانعان ەدٸ. وقۋشىلار سانى جىلدان جىلعا ٶسٸپ كەلەدٸ. بٷگٸنگٸ كٷنٸ بٸزدٸڭ تٷلەكتەرٸمٸز تٶرتكٷل دٷنيەنٸڭ ەر تٷكپٸرٸندە جٷر. جاڭا عيماراتتىڭ ٸرگەتاسى قالانىپ, قۇرىلىس جۇمىسى باستالعانىنا دەن ريزامىز. بارشا ۇستازداردىڭ, اتا-انالاردىڭ, تۇرعىنداردىڭ جەنە تٷلەكتەردٸڭ اتىنان العىس ايتامىز», – دەدٸ ارداگەر ۇستاز كەنجەحان ناكيشەۆ.
سەمەيدەگٸ «بٸلٸم-يننوۆاتسييا» ليتسەيٸ 1994 جىلى قۇرىلعان. وسى كەزەڭدە ليتسەي كٶپتەگەن دارىندى وقۋشىنى تەربيەلەپ, ولاردىڭ رەسپۋبليكالىق جەنە حالىقارالىق دەڭگەيدە بٸلٸمٸن كٶرسەتۋٸنە مٷمكٸندٸك بەردٸ. ليتسەي وقۋشىلارى بٸرنەشە جىل قاتارىنان وبلىستىق «ٷزدٸك وليمپيادالىق كوماندا» اتاعىن يەلەنٸپ, پەندٸك وليمپيادالاردا جوعارى نەتيجە كٶرسەتٸپ كەلەدٸ.
قازٸرگٸ ۋاقىتتا ليتسەي 1981 جىلى سالىنعان عيماراتتا ورنالاسقان. نىساننىڭ جوبالىق قۋاتتىلىعى 140 ورىن بولعانىمەن, مۇندا 224 وقۋشى بٸلٸم الۋدا. ليتسەيگە دەگەن سۇرانىس جىل سايىن ارتىپ كەلەدٸ.
بٷگٸندە اباي وبلىسىندا 304 مەملەكەتتٸك مەكتەپ جۇمىس ٸستەيدٸ. وندا 100 مىڭعا جۋىق بالا بٸلٸم الۋدا. ٶڭٸردە وقۋشى ورىندارىنىڭ تاپشىلىعى 6,3 مىڭدى قۇرايدى. ونىڭ 4,3 مىڭى سەمەي قالاسىنا تيەسٸلٸ. بۇل مەسەلەنٸ شەشۋ ماقساتىندا «كەلەشەك مەكتەبٸ» ۇلتتىق جوباسى اياسىندا وبلىستا 5 جاڭا مەكتەپ پايدالانۋعا بەرٸلدٸ. سەمەي قالاسىنداعى قاراعايلى شاعىن اۋدانىندا 1400 ورىندىق BINOM مەكتەبٸنٸڭ قۇرىلىسى باستالدى. سونىمەن قاتار, «ابايعا قۇرمەت» اكتسيياسى اياسىندا استانا قالاسى سەمەيدە 1500 ورىندىق مەكتەپ سالۋدى جوسپارلاپ وتىر. بۇدان بٶلەك جارما اۋدانىنىڭ سۋىقبۇلاق اۋىلىنداعى 100 ورىندىق مەكتەپتٸڭ قۇرىلىسى اياقتالۋعا جاقىن. سونداي-اق, اقسۋات اۋدانىنىڭ اقسۋات اۋىلىندا مەملەكەتتٸك-جەكەشەلٸك ەرٸپتەستٸك تەتٸگٸ ارقىلى 300 وقۋشىعا ارنالعان جاڭا مەكتەپتٸڭ قۇرىلىسى باستالادى.
