Qazaqstan Respýblikasy Mádeniet jáne aqparat ministrligi «Qala hikaialary» atty jańa respýblikalyq ádebi baiqaý bastalǵanyn jariialady, dep habarlaidy ult.kz.
Proza janryna arnalǵan baiqaýdyń maqsaty – qazirgi Qazaqstan qalalarynyń tynys-tirshiligin kórkem shyǵarmalar arqyly beineleitin jańa avtorlardy anyqtap, qoldaý kórsetý. Qatysýshylarǵa qala mádenieti, adam taǵdyry, qoǵamdaǵy ózgerister, ulttyq bolmys pen zamanaýi qundylyqtardyń sabaqtastyǵy taqyryptaryn qamtityn týyndylar usyný usynylady.
Baiqaýǵa Qazaqstan azamattary qatysa alady. Uiymdastyrýshylar buryn esh jerde jariialanbaǵan, qala taqyrybyna arnalǵan romandardy qabyldaidy. Shyǵarmanyń kólemi keminde 10 avtorlyq baspa tabaq bolýy tiis. Ár avtor baiqaýǵa bir ǵana týyndy usyna alady.
Jeńimpazdardy belgili jazýshylar men qoǵam qairatkerlerinen quralǵan qazylar alqasy anyqtaidy. Qorytyndy sheshim ashyq daýys berý arqyly qabyldanady.
Baiqaý nátijesinde úzdik shyǵarmalar avtorlary diplomdarmen jáne qomaqty aqshalai syilyqtarmen marapattalady. Sonymen qatar júldeli oryn alǵan romandar 15 myń danamen basylyp, elimizdiń kitaphanalaryna taratylmaq.
Baiqaýdyń júlde qory boiynsha:
- Bas júlde – 100 myń AQSh dollary;
- I oryn – 75 myń AQSh dollary;
- II oryn – 50 myń AQSh dollary;
- III oryn – 30 myń AQSh dollary.
Shyǵarmalardy qabyldaý 2026 jyldyń qyrkúiek-jeltoqsan ailary aralyǵynda júrgiziledi.
Ministrliktiń málimetinshe, baiqaý qazirgi qazaqstandyq ádebietke jańa serpin berip, el qalalarynyń zamanaýi kelbetin kórkem ádebiet arqyly nasihattaýǵa baǵyttalǵan.
