Prezidenttiń «Caspi Bitum» BK» JShS-da shikizatty tereń óńdeýdi damytý jónindegi tapsyrmalarynyń oryndalýy týraly Mańǵystaý oblysyna jumys sapary barysynda Premer-ministr Oljas Bektenovke baiandaldy, dep habarlaidy ult.kz.
«QazMunaiGaz»UK» AQ basqarma tóraǵasy Ashat Hasenov zaýytty jańǵyrtý aiasynda kásiporynnyń qýattylyǵy jylyna 500 myńnan 750 myń tonnaǵa deiin ulǵaitylǵanyn baiandady.
Kásiporyn QR ST 1373 standarty boiynsha munai jol bitýmyn ǵana emes, sonymen qatar joǵary beriktigimen erekshelenetin modifikatsiialanǵan bitýmdy, sondai-aq jyl boiy jóneltýge múmkindik beretin 200 myń tonnaǵa deiin qaptalǵan bitýmdy shyǵarady.
«Bul zaýyttyń biregeiligi – ózge munai óńdeý zaýyttarynan aiyrmashylyǵy, ol tek Qarajanbas ken ornynyń munaiynan bitým óndirýge mamandanǵan. Atalǵan ken ornyndaǵy munai quramyndaǵy bitýmdyq fraktsiialardyń úlesi 50%-ǵa deiin jetedi. “QazMunaiGaz” ulttyq kompaniiasy quramynda eki bitým zaýyty jumys isteidi: biri – jylyna 750 myń tonna, ekinshisi – Pavlodardaǵy jyldyq qýaty 500 myń tonna zaýyt. Osylaisha, “QazMunaiGaz” jylyna 1,2 mln tonna bitýmǵa degen ishki suranysty qamtamasyz etip otyr. Bul Memleket basshysynyń bergen tapsyrmasyna tolyq sáikes keledi», – dep baiandady Ashat Hasenov.
