پرەزيدەنتتٸڭ «Caspi Bitum» بك» جشس-دا شيكٸزاتتى تەرەڭ ٶڭدەۋدٸ دامىتۋ جٶنٸندەگٸ تاپسىرمالارىنىڭ ورىندالۋى تۋرالى ماڭعىستاۋ وبلىسىنا جۇمىس ساپارى بارىسىندا پرەمەر-مينيستر ولجاس بەكتەنوۆكە باياندالدى, دەپ حابارلايدى ult.kz.
«قازمۇنايگاز»ۇك» اق باسقارما تٶراعاسى اسحات حاسەنوۆ زاۋىتتى جاڭعىرتۋ اياسىندا كەسٸپورىننىڭ قۋاتتىلىعى جىلىنا 500 مىڭنان 750 مىڭ تونناعا دەيٸن ۇلعايتىلعانىن باياندادى.
كەسٸپورىن قر ست 1373 ستاندارتى بويىنشا مۇناي جول بيتۋمىن عانا ەمەس, سونىمەن قاتار جوعارى بەرٸكتٸگٸمەن ەرەكشەلەنەتٸن موديفيكاتسييالانعان بيتۋمدى, سونداي-اق جىل بويى جٶنەلتۋگە مٷمكٸندٸك بەرەتٸن 200 مىڭ تونناعا دەيٸن قاپتالعان بيتۋمدى شىعارادى.
«بۇل زاۋىتتىڭ بٸرەگەيلٸگٸ – ٶزگە مۇناي ٶڭدەۋ زاۋىتتارىنان ايىرماشىلىعى, ول تەك قاراجانباس كەن ورنىنىڭ مۇنايىنان بيتۋم ٶندٸرۋگە ماماندانعان. اتالعان كەن ورنىنداعى مۇناي قۇرامىنداعى بيتۋمدىق فراكتسييالاردىڭ ٷلەسٸ 50%-عا دەيٸن جەتەدٸ. “قازمۇنايگاز” ۇلتتىق كومپانيياسى قۇرامىندا ەكٸ بيتۋم زاۋىتى جۇمىس ٸستەيدٸ: بٸرٸ – جىلىنا 750 مىڭ توننا, ەكٸنشٸسٸ – پاۆلودارداعى جىلدىق قۋاتى 500 مىڭ توننا زاۋىت. وسىلايشا, “قازمۇنايگاز” جىلىنا 1,2 ملن توننا بيتۋمعا دەگەن ٸشكٸ سۇرانىستى قامتاماسىز ەتٸپ وتىر. بۇل مەملەكەت باسشىسىنىڭ بەرگەن تاپسىرماسىنا تولىق سەيكەس كەلەدٸ», – دەپ باياندادى اسحات حاسەنوۆ.
