15–26 maýsym aralyǵynda Italiianyń Montesilvano qalasynda shahmattan 2026 jylǵy jastar arasyndaǵy álem chempionaty ótedi. U14, U16 jáne U18 jas sanattaryndaǵy dúbirli dodaǵa Qazaqstan sportshylary da qatysady, dep habarlaidy ult.kz.
Montesilvano qalasyndaǵy «Pala Dean Martin» kongress-ortalyǵynda ótetin shahmattan jastar arasyndaǵy álem chempionatyna (FIDE World Youth Chess Championships 2026) álemniń 87 eli men aýmaǵynan kelgen 790 jas shahmatshy qatysady. Olardyń qatarynda 2 grossmeister (GM), 24 halyqaralyq sheber (IM), 1 áielder arasyndaǵy grossmeister (WGM) jáne 14 áielder arasyndaǵy halyqaralyq sheber (WIM) bar.
Qatysýshylar sany boiynsha jarys qojaiyndary – Italiia quramasy kósh bastap tur. Olar 64 shahmatshyny tirkegen. Qazaqstan shahmat federatsiiasy (KazChess) 35 sportshymen usynylǵan. Sondai-aq AQSh-tan – 40, FIDE/Reseiden – 31, Germaniiadan – 27, Qytai Taibeiinen – 25 jáne Norvegiiadan – 19 sportshy qatysady.
15–26 maýsym aralyǵynda qatysýshylar klassikalyq ýaqyt baqylaýymen shveitsariialyq júie boiynsha 11 týr ótkizedi. Ár oiynshyǵa alǵashqy 40 júriske 90 minýt, odan keiin partiia sońyna deiin taǵy 30 minýt beriledi. Sonymen qatar birinshi júristen bastap ár júriske 30 sekýnd qosylyp otyrady. 21 maýsym – demalys kúni. Týrlar jergilikti ýaqyt boiynsha saǵat 15:00-de bastalady (Qazaqstan ýaqytymen – 18:00).
FIDE-den jeke shaqyrtý alǵandar qatarynda ótken jylǵy álem chempiondary Danis Qýandyquly (O12), Mark Smirnov (O14) jáne Edgar Mamedov (O16), álem chempionatynyń kúmis júldegeri Saýat Nurǵaliev (O16), sondai-aq 2025 jylǵy Aziia chempiony Mariia Holiavko (G14) bar.
Qazaqstannyń 2026 jylǵy chempiondary retinde Italiiaǵa Akerke Moldaǵali men Maksat Baisalbekov (U14), Asiia Asylhan men Nazar Talǵatov (U16), Mariia Holiavko men Alan Petýhov (U18) jol tartty. Al Qazaqstannyń 2025 jylǵy balalar kýbogynyń jeńimpazdary retinde Aldiiar Jaras (U14) pen Medina Jákenova (U14) qatysady.
Budan bólek, Elnaz Qaliahmet (2025), Zarina Nurǵalieva jáne Saýat Nurǵaliev (2026) Qazaqstannyń eresekter arasyndaǵy chempionattarynda jeńimpaz atanǵan.
Qazaqstan quramasynyń qatysýshylary (2026 jylǵy 1 maýsymdaǵy Elo reitingi kórsetilgen):
G14:
WFM Alanna Berikqyzy (2182)
Aqnur Mamaqova (2055)
Daliia Diasqyzy (1848)
WFM Hanzada Amanjol (1827)
WCM Akerke Moldaǵali (1805)
WCM Adiia Jeńis (1788)
Alima Ómirserik (1771)
Medina Jákenova (1699)
O14:
IM Mark Smirnov (2436)
FM Álisher Ábdisattar (2429)
FM Danis Qýandyquly (2417)
CM Aldiiar Jaras (2180)
CM Súleiman Ahmet (2109)
Maksat Baisalbekov (2053)
G16:
WIM Elnaz Qaliahmet (2326)
WFM Mariia Holiavko (2226)
WFM Aiarý Altynbek (2114)
Asiia Asylhan (2006)
Malika Japparbekova (1977)
O16:
IM Saýat Nurǵaliev (2490)
FM Nazar Talǵatov (2365)
FM Aldiiar Jaýynbai (2318)
CM Samir Syzdyq (2256)
Ádijan Esenǵali (2250)
FM Dinmuhammed Tólendinov (2249)
G18:
WIM Zarina Nurǵalieva (2312)
WFM Janiia Naýanova (2039)
O18:
GM Edgar Mamedov (2464)
FM Miras Asylov (2409)
FM Alan Petýhov (2308)
FM Asman Baiantas (2263)
FM Sultanbeibarys Dýmanuly (2257)
FM Álihan Dáýlet (2228)
Beibarys Sultanbek (2125)
Altair Ádilbekuly (2105)
Sondai-aq 16 maýsym kúni dál osy Montesilvano qalasynda U14, U16 jáne U18 jas sanattary boiynsha shahmat esepterin sheshýden jastar arasyndaǵy 2-álem chempionaty (2nd World Youth Chess Solving Championship 2026) ótedi. Qatysýshylarǵa tapsyrmalardy oryndaý úshin 90 minýt beriledi. Ár jas sanatynda uldar men qyzdar arasynan úzdik shyqqan sportshylar chempion atanady.
Montesilvano — Adriatika teńiziniń jaǵalaýynda ornalasqan kýrortty qala. Ol Abrýtstso óńirindegi Peskara provintsiiasynyń ortalyǵy Peskara qalasyna jaqyn ornalasqan. Jarys ótetin «Pala Dean Martin» kongress-ortalyǵy áigili amerikalyq ánshi ári akter Din Martinniń qurmetine atalǵan. Onyń ákesi Gaetano Krochetti Montesilvano qalasynyń týmasy bolǵan. Buǵan deiin bul jerde 2023 jyly U14, U16 jáne U18 jas sanattaryndaǵy álem chempionaty, al 2024 jyly U8, U10 jáne U12 jas sanattaryndaǵy kadetter arasyndaǵy álem chempionaty uiymdastyrylǵan bolatyn.
