15–26 ماۋسىم ارالىعىندا يتالييانىڭ مونتەسيلۆانو قالاسىندا شاحماتتان 2026 جىلعى جاستار اراسىنداعى ەلەم چەمپيوناتى ٶتەدٸ. U14, U16 جەنە U18 جاس ساناتتارىنداعى دٷبٸرلٸ دوداعا قازاقستان سپورتشىلارى دا قاتىسادى, دەپ حابارلايدى ult.kz.
مونتەسيلۆانو قالاسىنداعى «Pala Dean Martin» كونگرەسس-ورتالىعىندا ٶتەتٸن شاحماتتان جاستار اراسىنداعى ەلەم چەمپيوناتىنا (FIDE World Youth Chess Championships 2026) ەلەمنٸڭ 87 ەلٸ مەن اۋماعىنان كەلگەن 790 جاس شاحماتشى قاتىسادى. ولاردىڭ قاتارىندا 2 گروسسمەيستەر (GM), 24 حالىقارالىق شەبەر (IM), 1 ەيەلدەر اراسىنداعى گروسسمەيستەر (WGM) جەنە 14 ەيەلدەر اراسىنداعى حالىقارالىق شەبەر (WIM) بار.
قاتىسۋشىلار سانى بويىنشا جارىس قوجايىندارى – يتالييا قۇراماسى كٶش باستاپ تۇر. ولار 64 شاحماتشىنى تٸركەگەن. قازاقستان شاحمات فەدەراتسيياسى (KazChess) 35 سپورتشىمەن ۇسىنىلعان. سونداي-اق اقش-تان – 40, FIDE/رەسەيدەن – 31, گەرمانييادان – 27, قىتاي تايبەيٸنەن – 25 جەنە نورۆەگييادان – 19 سپورتشى قاتىسادى.
15–26 ماۋسىم ارالىعىندا قاتىسۋشىلار كلاسسيكالىق ۋاقىت باقىلاۋىمەن شۆەيتسارييالىق جٷيە بويىنشا 11 تۋر ٶتكٸزەدٸ. ەر ويىنشىعا العاشقى 40 جٷرٸسكە 90 مينۋت, ودان كەيٸن پارتييا سوڭىنا دەيٸن تاعى 30 مينۋت بەرٸلەدٸ. سونىمەن قاتار بٸرٸنشٸ جٷرٸستەن باستاپ ەر جٷرٸسكە 30 سەكۋند قوسىلىپ وتىرادى. 21 ماۋسىم – دەمالىس كٷنٸ. تۋرلار جەرگٸلٸكتٸ ۋاقىت بويىنشا ساعات 15:00-دە باستالادى (قازاقستان ۋاقىتىمەن – 18:00).
FIDE-دەن جەكە شاقىرتۋ العاندار قاتارىندا ٶتكەن جىلعى ەلەم چەمپيوندارى دانيس قۋاندىقۇلى (O12), مارك سميرنوۆ (O14) جەنە ەدگار مامەدوۆ (O16), ەلەم چەمپيوناتىنىڭ كٷمٸس جٷلدەگەرٸ ساۋات نۇرعاليەۆ (O16), سونداي-اق 2025 جىلعى ازييا چەمپيونى مارييا حولياۆكو (G14) بار.
قازاقستاننىڭ 2026 جىلعى چەمپيوندارى رەتٸندە يتاليياعا اكەركە مولداعالي مەن ماكسات بايسالبەكوۆ (U14), اسييا اسىلحان مەن نازار تالعاتوۆ (U16), مارييا حولياۆكو مەن الان پەتۋحوۆ (U18) جول تارتتى. ال قازاقستاننىڭ 2025 جىلعى بالالار كۋبوگىنىڭ جەڭٸمپازدارى رەتٸندە الدييار جاراس (U14) پەن مەدينا جەكەنوۆا (U14) قاتىسادى.
بۇدان بٶلەك, ەلناز قالياحمەت (2025), زارينا نۇرعاليەۆا جەنە ساۋات نۇرعاليەۆ (2026) قازاقستاننىڭ ەرەسەكتەر اراسىنداعى چەمپيوناتتارىندا جەڭٸمپاز اتانعان.
قازاقستان قۇراماسىنىڭ قاتىسۋشىلارى (2026 جىلعى 1 ماۋسىمداعى ەلو رەيتينگٸ كٶرسەتٸلگەن):
G14:
WFM الاننا بەرٸكقىزى (2182)
اقنۇر ماماقوۆا (2055)
دالييا دياسقىزى (1848)
WFM حانزادا امانجول (1827)
WCM اكەركە مولداعالي (1805)
WCM ادييا جەڭٸس (1788)
اليما ٶمٸرسەرٸك (1771)
مەدينا جەكەنوۆا (1699)
O14:
IM مارك سميرنوۆ (2436)
FM ەلٸشەر ەبدٸساتتار (2429)
FM دانيس قۋاندىقۇلى (2417)
CM الدييار جاراس (2180)
CM سٷلەيمان احمەت (2109)
ماكسات بايسالبەكوۆ (2053)
G16:
WIM ەلناز قالياحمەت (2326)
WFM مارييا حولياۆكو (2226)
WFM ايارۋ التىنبەك (2114)
اسييا اسىلحان (2006)
ماليكا جاپپاربەكوۆا (1977)
O16:
IM ساۋات نۇرعاليەۆ (2490)
FM نازار تالعاتوۆ (2365)
FM الدييار جاۋىنباي (2318)
CM سامير سىزدىق (2256)
ەدٸجان ەسەنعالي (2250)
FM دٸنمۇحاممەد تٶلەندينوۆ (2249)
G18:
WIM زارينا نۇرعاليەۆا (2312)
WFM جانييا ناۋانوۆا (2039)
O18:
GM ەدگار مامەدوۆ (2464)
FM ميراس اسىلوۆ (2409)
FM الان پەتۋحوۆ (2308)
FM اسمان بايانتاس (2263)
FM سۇلتانبەيبارىس دۋمانۇلى (2257)
FM ەليحان دەۋلەت (2228)
بەيبارىس سۇلتانبەك (2125)
التاير ەدٸلبەكۇلى (2105)
سونداي-اق 16 ماۋسىم كٷنٸ دەل وسى مونتەسيلۆانو قالاسىندا U14, U16 جەنە U18 جاس ساناتتارى بويىنشا شاحمات ەسەپتەرٸن شەشۋدەن جاستار اراسىنداعى 2-ەلەم چەمپيوناتى (2nd World Youth Chess Solving Championship 2026) ٶتەدٸ. قاتىسۋشىلارعا تاپسىرمالاردى ورىنداۋ ٷشٸن 90 مينۋت بەرٸلەدٸ. ەر جاس ساناتىندا ۇلدار مەن قىزدار اراسىنان ٷزدٸك شىققان سپورتشىلار چەمپيون اتانادى.
مونتەسيلۆانو — ادرياتيكا تەڭٸزٸنٸڭ جاعالاۋىندا ورنالاسقان كۋرورتتى قالا. ول ابرۋتستسو ٶڭٸرٸندەگٸ پەسكارا پروۆينتسيياسىنىڭ ورتالىعى پەسكارا قالاسىنا جاقىن ورنالاسقان. جارىس ٶتەتٸن «Pala Dean Martin» كونگرەسس-ورتالىعى ەيگٸلٸ امەريكالىق ەنشٸ ەرٸ اكتەر دين مارتيننٸڭ قۇرمەتٸنە اتالعان. ونىڭ ەكەسٸ گاەتانو كروچەتتي مونتەسيلۆانو قالاسىنىڭ تۋماسى بولعان. بۇعان دەيٸن بۇل جەردە 2023 جىلى U14, U16 جەنە U18 جاس ساناتتارىنداعى ەلەم چەمپيوناتى, ال 2024 جىلى U8, U10 جەنە U12 جاس ساناتتارىنداعى كادەتتەر اراسىنداعى ەلەم چەمپيوناتى ۇيىمداستىرىلعان بولاتىن.
