Sońǵy jyldary Qazaqstan men Qatar arasyndaǵy qarym-qatynas qarqyndy damyp keledi. Eki el arasyndaǵy yntymaqtastyqtyń basty baǵyty retinde ekonomika aldyńǵy qatarǵa shyqqanyn baiqaýǵa bolady. Eger buryn saiasi jáne mádeni bailanystar jii aitylsa, búginde málimdemelerde investitsiialar, naqty jobalar jáne iskerlik áriptestik kóbirek atalady, dep habarlaidy ult.kz.
Eske salsaq, 2024 jylǵy aqpanda Prezident Qasym-Jomart Toqaevtyń Qatarǵa sapary barysynda energetika, qarjy, telekommýnikatsiia jáne aýyl sharýashylyǵy siiaqty salalardy qamtityn jalpy quny 18 mlrd AQSh dollaryna jýyq 12 kommertsiialyq kelisimge qol qoiylǵan. Qazirgi ýaqytta olardy iske asyrý boiynsha júieli jumys júrgizilýde jáne qatarlyq kompaniialar Qazaqstan naryǵyna iri investitsiialyq jobalarmen shyǵyp jatyr dep habarlaǵan bolatyn Úkimet.
2025 jyly shildede Astanada ótken Qazaqstan–Qatar úkimetaralyq komissiiasynyń jetinshi otyrysynda taraptar investitsiialyq yntymaqtastyqty tereńdetý, Transkaspii halyqaralyq kólik baǵytyn damytý, agroónerkásiptik saýdany keńeitý jáne uzaqmerzimdi strategiialyq áriptestik aiasyndaǵy jalpy quny 20 mlrd dollar bolatyn jobalardy júzege asyrý máselelerin qarastyrǵan bolatyn.
Resmi málimet boiynsha Qatardan Qazaqstanǵa tikelei investitsiia kólemi 2024 jyly 2023 jylmen salystyrǵanda 18 esege, iaǵni $8,9 mln-nan $156,4 mln-ǵa deiin ósken.
Resmi málimdemelerde kólik jáne logistika salasyndaǵy yqpaldastyqqa da erekshe mán beriledi. Qazaqstan ózin Eýropa men Aziiany bailanystyratyn tranzittik hab retinde tanystyryp keledi. Al Qatar úshin bul jańa naryqtarǵa shyǵýdyń qosymsha múmkindigi bolýy múmkin.
2026 jyly Qatarǵa jasaǵan sapary kezinde Syrtqy ister ministri Ermek Kósherbaev katarlyq iri kompaniialarmen energetika, gaz óńdeý, telekommýnikatsiia jáne kólik-logistika baǵyttaryndaǵy jobalardy talqylap, taraptar perspektivaly investitsiialyq jáne infraqurylymdyq bastamalar boiynsha dialogty jalǵastyrýǵa ýaǵdalasty.
Óz kezeginde, Qatar tarapynyń málimdemelerinde Qazaqstan Ortalyq Aziiadaǵy mańyzdy seriktes retinde sipattalady. Bul jerde eldiń geografiialyq ornalasýy, tranzittik áleýeti jáne óńirdegi ekonomikalyq turaqtylyǵy negizgi faktor retinde kórsetiledi.
Sondai-aq Qazaqstan biliginiń aqparattarynda birlesken jobalardyń uzaqmerzimdi sipatqa ie ekeni jii aitylady. Bul jerde másele tek kapital tartýda emes. Sarapshylardyń pikirinshe, iri investitsiialyq jobalar memleketter arasyndaǵy bailanysty áldeqaida turaqty etedi. Óitkeni biznes múddesi paida bolǵan jerde saiasi jáne ekonomikalyq bailanystar da nyǵaia túsedi.
Taǵy bir nazar aýdaratyn másele – Qazaqstannyń Taiaý Shyǵys baǵytyndaǵy belsendiligi. Sońǵy jyldary resmi deńgeide Parsy shyǵanaǵy elderimen yntymaqtastyqty keńeitýge basymdyq berilip keledi. Osy turǵydan alǵanda, Qatarmen qarym-qatynastyń kúsheiýi Qazaqstannyń atalǵan óńirdegi pozitsiiasyn nyǵaitatyn faktor retinde baǵalanýda.
Eger jariialanǵan bastamalar tolyq iske assa, Qazaqstan men Qatar yntymaqtastyǵy Ortalyq Aziia men Taiaý Shyǵys arasyndaǵy ózara tiimdi áriptestiktiń tabysty úlgileriniń birine ainalýy múmkin.
