Qazaqmys Jezqazǵan baiytý fabrikasynyń áleýmettik-turmystyq infraqurylymyn keshendi jańartý jumysyn júrgizip jatyr. Jezqazǵan baiytý fabrikasynyń №1, №2 jáne №3 ákimshilik-turmystyq ǵimarattaryn, sondai-aq meditsinalyq pýnktin jóndeýge 218,6 mln teńgeden astam qarjy baǵyttaldy, dep habarlaidy Ult.kz.
Jańartý jumysy jumyskerlerdiń kúndelikti paidalanylatyn nysandaryn qamtidy. Atap aitqanda, jýynatyn bólmeler, kiim aýystyratyn oryndar, sanitarlyq-turmystyq aimaqtar jáne ákimshilik-turmystyq korpýstardaǵy basqa da bólmeler zaman talabyna sáikestendirilýde.
Sonymen qatar ǵimarattardyń shatyrlary men qasbetteri jóndelip, injenerlik kommýnikatsiia jańartylýda.
Jumystyń negizgi bóligi №1 jáne №2 ákimshilik-turmystyq korpýstarda júrgizilýde. Munda jýynatyn bólmeler men kiim aýystyratyn oryndar keshendi jóndeýden ótip, sanitarlyq bólmeler, baspaldaq alańdary, shatyr men ǵimarattyń qasbeti men jertólesi jańartylýda. №3 ákimshilik-turmystyq korpýsta sanitarlyq bólmeler, dáliz jáne baspaldaq alańy ádemi qalypqa keltirildi.
Jobanyń jeke baǵyty – Jezqazǵan baiytý fabrikasynyń meditsinalyq pýnktin jańartý. Ǵimarattyń ishki bólmeleri, shatyry men qasbeti jóndelip, jylytý, káriz jáne elektrmen jabdyqtaý júieleri jańartylýda. Sondai-aq jańa santehnikalyq jabdyqtar ornatylýda.
Jumys bekitilgen kestege sai kezeń-kezeńimen júrgizilýde. 2026 jyly «Qazaqmystyń» jańa basqarýshy komandasy eńbek jaǵdaiyn jaqsartý men kásiporyndardyń infraqurylymyn jańartýdy basym baǵyttardyń biri retinde belgiledi. Kompaniia óndiristik nysandarmen qatar jumyskerler kúndelikti paidalanatyn áleýmettik-turmystyq infraqurylymdy da qamtityn baǵdarlamany júzege asyryp jatyr.
