قازاقمىس جەزقازعان بايىتۋ فابريكاسىنىڭ ەلەۋمەتتٸك-تۇرمىستىق ينفراقۇرىلىمىن كەشەندٸ جاڭارتۋ جۇمىسىن جٷرگٸزٸپ جاتىر. جەزقازعان بايىتۋ فابريكاسىنىڭ №1, №2 جەنە №3 ەكٸمشٸلٸك-تۇرمىستىق عيماراتتارىن, سونداي-اق مەديتسينالىق پۋنكتٸن جٶندەۋگە 218,6 ملن تەڭگەدەن استام قارجى باعىتتالدى, دەپ حابارلايدى Ult.kz.
جاڭارتۋ جۇمىسى جۇمىسكەرلەردٸڭ كٷندەلٸكتٸ پايدالانىلاتىن نىساندارىن قامتيدى. اتاپ ايتقاندا, جۋىناتىن بٶلمەلەر, كيٸم اۋىستىراتىن ورىندار, سانيتارلىق-تۇرمىستىق ايماقتار جەنە ەكٸمشٸلٸك-تۇرمىستىق كورپۋستارداعى باسقا دا بٶلمەلەر زامان تالابىنا سەيكەستەندٸرٸلۋدە.
سونىمەن قاتار عيماراتتاردىڭ شاتىرلارى مەن قاسبەتتەرٸ جٶندەلٸپ, ينجەنەرلٸك كوممۋنيكاتسييا جاڭارتىلۋدا.
جۇمىستىڭ نەگٸزگٸ بٶلٸگٸ №1 جەنە №2 ەكٸمشٸلٸك-تۇرمىستىق كورپۋستاردا جٷرگٸزٸلۋدە. مۇندا جۋىناتىن بٶلمەلەر مەن كيٸم اۋىستىراتىن ورىندار كەشەندٸ جٶندەۋدەن ٶتٸپ, سانيتارلىق بٶلمەلەر, باسپالداق الاڭدارى, شاتىر مەن عيماراتتىڭ قاسبەتٸ مەن جەرتٶلەسٸ جاڭارتىلۋدا. №3 ەكٸمشٸلٸك-تۇرمىستىق كورپۋستا سانيتارلىق بٶلمەلەر, دەلٸز جەنە باسپالداق الاڭى ەدەمٸ قالىپقا كەلتٸرٸلدٸ.
جوبانىڭ جەكە باعىتى – جەزقازعان بايىتۋ فابريكاسىنىڭ مەديتسينالىق پۋنكتٸن جاڭارتۋ. عيماراتتىڭ ٸشكٸ بٶلمەلەرٸ, شاتىرى مەن قاسبەتٸ جٶندەلٸپ, جىلىتۋ, كەرٸز جەنە ەلەكترمەن جابدىقتاۋ جٷيەلەرٸ جاڭارتىلۋدا. سونداي-اق جاڭا سانتەحنيكالىق جابدىقتار ورناتىلۋدا.
جۇمىس بەكٸتٸلگەن كەستەگە ساي كەزەڭ-كەزەڭٸمەن جٷرگٸزٸلۋدە. 2026 جىلى «قازاقمىستىڭ» جاڭا باسقارۋشى كومانداسى ەڭبەك جاعدايىن جاقسارتۋ مەن كەسٸپورىنداردىڭ ينفراقۇرىلىمىن جاڭارتۋدى باسىم باعىتتاردىڭ بٸرٸ رەتٸندە بەلگٸلەدٸ. كومپانييا ٶندٸرٸستٸك نىساندارمەن قاتار جۇمىسكەرلەر كٷندەلٸكتٸ پايدالاناتىن ەلەۋمەتتٸك-تۇرمىستىق ينفراقۇرىلىمدى دا قامتيتىن باعدارلامانى جٷزەگە اسىرىپ جاتىر.
