Qazaqstandyq boksshy Nazym Qyzaibai Qytaidyń Gýiian qalasynda ótip jatqan World Boxing Álem kýbogynda altyn medal jeńip aldy. 54 kelige deiingi salmaq dárejesindegi finalda ol Italiia ókili Sirin Shaarabiden basym tústi, dep habarlaidy ult.kz.
Vesti.kz saitynyń habarlaýynsha, bul qos boksshy arasyndaǵy alǵashqy kezdesý boldy. Úsh raýndqa sozylǵan tartysty jekpe-jekte tóreshiler jeńisti 4:1 esebimen 32 jastaǵy Qyzaibaiǵa berdi.
Osylaisha, Nazym Gýiiandaǵy týrnirde Qazaqstan quramasynyń qorjynyna alǵashqy altyn medaldi saldy. Bul – onyń World Boxing Álem kýbogyndaǵy ekinshi chempiondyǵy. Ótken jyly Astanada ótken básekede ol 48 kelige deiingi salmaqta jeńimpaz atanǵan edi.
Nazym Qyzaibai – bokstan úsh dúrkin álem chempiony jáne 2024 jylǵy Parij Olimpiadasynyń qola júldegeri. Sondai-aq, ol álem chempionattarynda bes medal jeńip alǵan alǵashqy qazaqstandyq boksshy retinde rekord ielenip otyr.
