قازاقستاندىق بوكسشى نازىم قىزايباي قىتايدىڭ گۋييان قالاسىندا ٶتٸپ جاتقان World Boxing ەلەم كۋبوگىندا التىن مەدال جەڭٸپ الدى. 54 كەلٸگە دەيٸنگٸ سالماق دەرەجەسٸندەگٸ فينالدا ول يتالييا ٶكٸلٸ سيرين شاارابيدەن باسىم تٷستٸ, دەپ حابارلايدى ult.kz.
Vesti.kz سايتىنىڭ حابارلاۋىنشا, بۇل قوس بوكسشى اراسىنداعى العاشقى كەزدەسۋ بولدى. ٷش راۋندقا سوزىلعان تارتىستى جەكپە-جەكتە تٶرەشٸلەر جەڭٸستٸ 4:1 ەسەبٸمەن 32 جاستاعى قىزايبايعا بەردٸ.
وسىلايشا, نازىم گۋييانداعى تۋرنيردە قازاقستان قۇراماسىنىڭ قورجىنىنا العاشقى التىن مەدالدٸ سالدى. بۇل – ونىڭ World Boxing ەلەم كۋبوگىنداعى ەكٸنشٸ چەمپيوندىعى. ٶتكەن جىلى استانادا ٶتكەن بەسەكەدە ول 48 كەلٸگە دەيٸنگٸ سالماقتا جەڭٸمپاز اتانعان ەدٸ.
نازىم قىزايباي – بوكستان ٷش دٷركٸن ەلەم چەمپيونى جەنە 2024 جىلعى پاريج وليمپياداسىنىڭ قولا جٷلدەگەرٸ. سونداي-اق, ول ەلەم چەمپيوناتتارىندا بەس مەدال جەڭٸپ العان العاشقى قازاقستاندىق بوكسشى رەتٸندە رەكورد يەلەنٸپ وتىر.
