Merkide 19 jastaǵy Madinanyń qazasyna qatysty jańa derekter paida boldy. Marqumnyń qurbysyna jazǵan hattary jariialanyp, onda jas kelinshek otbasyndaǵy janjaldar men kúieýiniń áreketteri týraly aitqan, dep habarlaidy ult.kz.
Madinanyń sózinshe, sońǵy janjaldyń sebebi bir «Barni» táttisinen bastalǵan. Kúieýi táttini balasyna ákelgen, alaida Madina onyń bireýin jep qoiǵan. Osydan keiin erli-zaiypty arasynda janjal shyqqan.
«Búgin Madiiarmen qatty urystym. Bir “Barni” shokolad úshin urystyq qoi. Tipti uryp jiberdi. Balaǵa alyp kelipti, sodan bireýin alyp jegem. Soǵan “Nege jeisiń, men ony balaǵa alyp keldim?” dedi», – dep jazǵan Madina qurbysyna.
Ol janjaldan keiin dárethanaǵa kirip ketkenin, alaida kúieýi artynan baryp, basynan urǵanyn jazǵan.
«Ol kelip, basymnan urdy, men qulap qaldym. Elestetshi, bir “Barni” úshin», – delingen hatta.
Kelesi kúni Madina chemodanyn jinap, kúieýinen ketýge jáne ajyrasýǵa sheshim qabyldaǵanyn qurbysyna habarlaǵan. Ol jol shyǵynyna 15 myń teńge suraǵan. Qurbysy qajetti qarajatty bere almaǵandyqtan, tanystarynan kómek izdei bastaǵan.
Alaida kóp uzamai oǵan Madinanyń qaitys bolǵany týraly habar jetken.
Qaiǵyly jaǵdaidan keiin marqumnyń jaqyndary ádildik talap etip otyr. Olardyń aitýynsha, jas kelinshektiń ólimine qatysty kúmándi jaittar bar.
Qazirgi tańda bul derek boiynsha qylmystyq is qozǵalǵan. Is Qazaqstan Respýblikasy Qylmystyq kodeksiniń «Ózin-ózi óltirýge deiin jetkizý» baby boiynsha tirkelgen.
