مەركٸدە 19 جاستاعى مادينانىڭ قازاسىنا قاتىستى جاڭا دەرەكتەر پايدا بولدى. مارقۇمنىڭ قۇربىسىنا جازعان حاتتارى جارييالانىپ, وندا جاس كەلٸنشەك وتباسىنداعى جانجالدار مەن كٷيەۋٸنٸڭ ەرەكەتتەرٸ تۋرالى ايتقان, دەپ حابارلايدى ult.kz.
مادينانىڭ سٶزٸنشە, سوڭعى جانجالدىڭ سەبەبٸ بٸر «بارني» تەتتٸسٸنەن باستالعان. كٷيەۋٸ تەتتٸنٸ بالاسىنا ەكەلگەن, الايدا مادينا ونىڭ بٸرەۋٸن جەپ قويعان. وسىدان كەيٸن ەرلٸ-زايىپتى اراسىندا جانجال شىققان.
«بٷگٸن مادييارمەن قاتتى ۇرىستىم. بٸر “بارني” شوكولاد ٷشٸن ۇرىستىق قوي. تٸپتٸ ۇرىپ جٸبەردٸ. بالاعا الىپ كەلٸپتٸ, سودان بٸرەۋٸن الىپ جەگەم. سوعان “نەگە جەيسٸڭ, مەن ونى بالاعا الىپ كەلدٸم?” دەدٸ», – دەپ جازعان مادينا قۇربىسىنا.
ول جانجالدان كەيٸن دەرەتحاناعا كٸرٸپ كەتكەنٸن, الايدا كٷيەۋٸ ارتىنان بارىپ, باسىنان ۇرعانىن جازعان.
«ول كەلٸپ, باسىمنان ۇردى, مەن قۇلاپ قالدىم. ەلەستەتشٸ, بٸر “بارني” ٷشٸن», – دەلٸنگەن حاتتا.
كەلەسٸ كٷنٸ مادينا چەمودانىن جيناپ, كٷيەۋٸنەن كەتۋگە جەنە اجىراسۋعا شەشٸم قابىلداعانىن قۇربىسىنا حابارلاعان. ول جول شىعىنىنا 15 مىڭ تەڭگە سۇراعان. قۇربىسى قاجەتتٸ قاراجاتتى بەرە الماعاندىقتان, تانىستارىنان كٶمەك ٸزدەي باستاعان.
الايدا كٶپ ۇزاماي وعان مادينانىڭ قايتىس بولعانى تۋرالى حابار جەتكەن.
قايعىلى جاعدايدان كەيٸن مارقۇمنىڭ جاقىندارى ەدٸلدٸك تالاپ ەتٸپ وتىر. ولاردىڭ ايتۋىنشا, جاس كەلٸنشەكتٸڭ ٶلٸمٸنە قاتىستى كٷمەندٸ جايتتار بار.
قازٸرگٸ تاڭدا بۇل دەرەك بويىنشا قىلمىستىق ٸس قوزعالعان. ٸس قازاقستان رەسپۋبليكاسى قىلمىستىق كودەكسٸنٸڭ «ٶزٸن-ٶزٸ ٶلتٸرۋگە دەيٸن جەتكٸزۋ» بابى بويىنشا تٸركەلگەن.
