Memleket basshysy Qasym-Jomart Toqaev Samarqandta ótken Dúniejúzilik shahmat olimpiadasynda kúmis medal jeńip alǵan Qazaqstan áielder quramasyn quttyqtady, dep habarlaidy ult.kz.
Prezident quttyqtaýynda Bibisara Asaýbaeva bastaǵan qazaqstandyq shahmatshylardyń týrnirde birde-bir ret jeńilmegenin atap ótti.
Qazaqstan quramasy tek Qytai komandasyna jol berip, jarysty ekinshi orynmen aiaqtady.
Qasym-Jomart Toqaev otandyq shahmatshylardyń buǵan deiingi jetistigin qaitalaǵanyna da nazar aýdardy. 2024 jyly Býdapeshtte ótken shahmat olimpiadasynda Qazaqstan áielder quramasy da kúmis júldege ie bolǵan.
Prezidenttiń aitýynsha, bul nátije qazaqstandyq sportshylardyń joǵary deńgeiin, talanty men eńbeksúigishtigin kórsetedi.
Memleket basshysy shahmatshy qyzdarǵa tolaiym tabys, zor densaýlyq jáne baq-bereke tiledi.
Aita keteiik, Qazaqstan áielder quramasy shahmat Olimpiadasynda qatarynan ekinshi ret kúmis medaldardy jeńip aldy.
