مەملەكەت باسشىسى قاسىم-جومارت توقاەۆ سامارقاندتا ٶتكەن دٷنيەجٷزٸلٸك شاحمات وليمپياداسىندا كٷمٸس مەدال جەڭٸپ العان قازاقستان ەيەلدەر قۇراماسىن قۇتتىقتادى, دەپ حابارلايدى ult.kz.
پرەزيدەنت قۇتتىقتاۋىندا بيبٸسارا اساۋباەۆا باستاعان قازاقستاندىق شاحماتشىلاردىڭ تۋرنيردە بٸردە-بٸر رەت جەڭٸلمەگەنٸن اتاپ ٶتتٸ.
قازاقستان قۇراماسى تەك قىتاي كومانداسىنا جول بەرٸپ, جارىستى ەكٸنشٸ ورىنمەن اياقتادى.
قاسىم-جومارت توقاەۆ وتاندىق شاحماتشىلاردىڭ بۇعان دەيٸنگٸ جەتٸستٸگٸن قايتالاعانىنا دا نازار اۋداردى. 2024 جىلى بۋداپەشتتە ٶتكەن شاحمات وليمپياداسىندا قازاقستان ەيەلدەر قۇراماسى دا كٷمٸس جٷلدەگە يە بولعان.
پرەزيدەنتتٸڭ ايتۋىنشا, بۇل نەتيجە قازاقستاندىق سپورتشىلاردىڭ جوعارى دەڭگەيٸن, تالانتى مەن ەڭبەكسٷيگٸشتٸگٸن كٶرسەتەدٸ.
مەملەكەت باسشىسى شاحماتشى قىزدارعا تولايىم تابىس, زور دەنساۋلىق جەنە باق-بەرەكە تٸلەدٸ.
ايتا كەتەيٸك, قازاقستان ەيەلدەر قۇراماسى شاحمات وليمپياداسىندا قاتارىنان ەكٸنشٸ رەت كٷمٸس مەدالداردى جەڭٸپ الدى.
