Aqmola oblysynda sýmen jabdyqtaý jáne sý burý júielerin jańǵyrtýǵa Arnaýly memlekettik qordan 1,4 mlrd teńge bólindi. Qarajat Prezidenttiń zańsyz iemdenilgen aktivterdi qaitarý jáne olardy eldiń áleýmettik-ekonomikalyq damýyna baǵyttaý jónindegi tapsyrmasy aiasynda iske asyrylyp jatqan jobalarǵa jumsalady, dep habarlaidy ult.kz.
Úkimettiń málimetinshe, qarjy Býrabai aýdany men Shýchinsk qalasynda tórt infraqurylymdyq jobany júzege asyrýǵa baǵyttalǵan. Onyń ishinde Qatarkól kóliniń mańyndaǵy balalardy saýyqtyrý ortalyqtarynyń sý qubyry jelileri jańǵyrtylyp, kommýnaldyq qyzmet sapasy jaqsartylmaq.
Sondai-aq Shýchinsk qalasynda magistraldyq sý qubyry jelileriniń tórtinshi kezegin salý jáne qaita jańartý, sý burý júieleri men nysandaryn jóndeý, kvartalishilik káriz jelilerin tartý jumystary júrgiziledi.
Jobalardy iske asyrý nátijesinde injenerlik jelilerdegi apat sany azaiyp, jańa turǵyn úilerdi, áleýmettik jáne týristik nysandardy sý jáne káriz júiesine qosýǵa múmkindik týady. Sonymen qatar bul óńirge investitsiia tartýǵa qolaily jaǵdai qalyptastyrady.
Aita keteiik, 2024–2026 jyldary Arnaýly memlekettik qor qarajaty esebinen jalpy quny 610 mlrd teńgeni quraityn 500-den astam áleýmettik jobany qarjylandyrý maquldanǵan. Onyń 267-si sý infraqurylymyn damytýǵa baǵyttalǵan, jalpy quny – 226,5 mlrd teńge.
Úkimet sondai-aq Soltústik Qazaqstan oblysyndaǵy aýyldardy sapaly aýyz sýmen qamtamasyz etý úshin Arnaýly memlekettik qordan 2,7 mlrd teńge bóldi.
