اقمولا وبلىسىندا سۋمەن جابدىقتاۋ جەنە سۋ بۇرۋ جٷيەلەرٸن جاڭعىرتۋعا ارناۋلى مەملەكەتتٸك قوردان 1,4 ملرد تەڭگە بٶلٸندٸ. قاراجات پرەزيدەنتتٸڭ زاڭسىز يەمدەنٸلگەن اكتيۆتەردٸ قايتارۋ جەنە ولاردى ەلدٸڭ ەلەۋمەتتٸك-ەكونوميكالىق دامۋىنا باعىتتاۋ جٶنٸندەگٸ تاپسىرماسى اياسىندا ٸسكە اسىرىلىپ جاتقان جوبالارعا جۇمسالادى, دەپ حابارلايدى ult.kz.
ٷكٸمەتتٸڭ مەلٸمەتٸنشە, قارجى بۋراباي اۋدانى مەن ششۋچينسك قالاسىندا تٶرت ينفراقۇرىلىمدىق جوبانى جٷزەگە اسىرۋعا باعىتتالعان. ونىڭ ٸشٸندە قاتاركٶل كٶلٸنٸڭ ماڭىنداعى بالالاردى ساۋىقتىرۋ ورتالىقتارىنىڭ سۋ قۇبىرى جەلٸلەرٸ جاڭعىرتىلىپ, كوممۋنالدىق قىزمەت ساپاسى جاقسارتىلماق.
سونداي-اق ششۋچينسك قالاسىندا ماگيسترالدىق سۋ قۇبىرى جەلٸلەرٸنٸڭ تٶرتٸنشٸ كەزەگٸن سالۋ جەنە قايتا جاڭارتۋ, سۋ بۇرۋ جٷيەلەرٸ مەن نىساندارىن جٶندەۋ, كۆارتالٸشٸلٸك كەرٸز جەلٸلەرٸن تارتۋ جۇمىستارى جٷرگٸزٸلەدٸ.
جوبالاردى ٸسكە اسىرۋ نەتيجەسٸندە ينجەنەرلٸك جەلٸلەردەگٸ اپات سانى ازايىپ, جاڭا تۇرعىن ٷيلەردٸ, ەلەۋمەتتٸك جەنە تۋريستٸك نىسانداردى سۋ جەنە كەرٸز جٷيەسٸنە قوسۋعا مٷمكٸندٸك تۋادى. سونىمەن قاتار بۇل ٶڭٸرگە ينۆەستيتسييا تارتۋعا قولايلى جاعداي قالىپتاستىرادى.
ايتا كەتەيٸك, 2024–2026 جىلدارى ارناۋلى مەملەكەتتٸك قور قاراجاتى ەسەبٸنەن جالپى قۇنى 610 ملرد تەڭگەنٸ قۇرايتىن 500-دەن استام ەلەۋمەتتٸك جوبانى قارجىلاندىرۋ ماقۇلدانعان. ونىڭ 267-سٸ سۋ ينفراقۇرىلىمىن دامىتۋعا باعىتتالعان, جالپى قۇنى – 226,5 ملرد تەڭگە.
ٷكٸمەت سونداي-اق سولتٷستٸك قازاقستان وبلىسىنداعى اۋىلداردى ساپالى اۋىز سۋمەن قامتاماسىز ەتۋ ٷشٸن ارناۋلى مەملەكەتتٸك قوردان 2,7 ملرد تەڭگە بٶلدٸ.
