Búgin Ulttyq qoǵamdyq senim keńesiniń tórtinshi otyrysynda Prezident Qasym-Jomart Toqaev aldaǵy parlamenttik sailaýǵa qatysty pikir aitty, dep habarlaidy QazAqparat.
«Parlamenttik sailaý datasyn jariialaý arqyly biz resmi túrde kezekti sailaý tsiline aiaq bastyq. Aldaǵy sailaý Qazaqstanda turaqty demokratiialyq institýttardy dáiekti túrde qurýda mańyzdy kezeń bolady. Sailaý Konstitýtsiiada bekitilgen merzimde ótedi», - dedi Prezident.
Osy oraida Memleket basshysy barlyq partiialarda sailaýǵa jaqsy daiyndalý úshin ýaqyt jetkilikti bolǵanyn atap ótti.
«Barlyq partiialar saiasi básekelestiktiń joǵary deńgeiin kórsetip, eldiń damýynyń ózekti kún tártibin usynady dep senemin. Bizde bir maqsat – halyqtyń amandyǵy men bizdiń ortaq shańyraǵymyzdyń gúldenýi», - dedi Qasym-Jomart Toqaev.
