بٷگٸن ۇلتتىق قوعامدىق سەنٸم كەڭەسٸنٸڭ تٶرتٸنشٸ وتىرىسىندا پرەزيدەنت قاسىم-جومارت توقاەۆ الداعى پارلامەنتتٸك سايلاۋعا قاتىستى پٸكٸر ايتتى, دەپ حابارلايدى قازاقپارات.
«پارلامەنتتٸك سايلاۋ داتاسىن جارييالاۋ ارقىلى بٸز رەسمي تٷردە كەزەكتٸ سايلاۋ تسيلٸنە اياق باستىق. الداعى سايلاۋ قازاقستاندا تۇراقتى دەموكراتييالىق ينستيتۋتتاردى دەيەكتٸ تٷردە قۇرۋدا ماڭىزدى كەزەڭ بولادى. سايلاۋ كونستيتۋتسييادا بەكٸتٸلگەن مەرزٸمدە ٶتەدٸ», - دەدٸ پرەزيدەنت.
وسى ورايدا مەملەكەت باسشىسى بارلىق پارتييالاردا سايلاۋعا جاقسى دايىندالۋ ٷشٸن ۋاقىت جەتكٸلٸكتٸ بولعانىن اتاپ ٶتتٸ.
«بارلىق پارتييالار ساياسي بەسەكەلەستٸكتٸڭ جوعارى دەڭگەيٸن كٶرسەتٸپ, ەلدٸڭ دامۋىنىڭ ٶزەكتٸ كٷن تەرتٸبٸن ۇسىنادى دەپ سەنەمٸن. بٸزدە بٸر ماقسات – حالىقتىڭ اماندىعى مەن بٸزدٸڭ ورتاق شاڭىراعىمىزدىڭ گٷلدەنۋٸ», - دەدٸ قاسىم-جومارت توقاەۆ.
