ۇلىتاۋ وبلىسى 2026 جىلدىڭ قاڭتار-قازان ايلارى ارالىعىندا قۇرىلىس جۇمىسىنىڭ ٶسۋ قارقىنى بويىنشا قازاقستان ٶڭٸرلەرٸ اراسىندا بٸرٸنشٸ ورىنعا شىقتى. ۇلتتىق ستاتيستيكا بيۋروسىنىڭ دەرەگٸنە سەيكەس, ٶڭٸردەگٸ قۇرىلىس جۇمىسىنىڭ ناقتى كٶلەم يندەكسٸ ٶتكەن جىلدىڭ سەيكەس كەزەڭٸمەن سالىستىرعاندا 227,3%-دى قۇرادى. بۇل سالىستىرمالى باعامەن ەسەپتەگەندە قۇرىلىس جۇمىسىنىڭ كٶلەمٸ ەكٸ ەسەدەن استام ارتقانىن بٸلدٸرەدٸ. ال رەسپۋبليكا بويىنشا ورتاشا ٶسٸم 13,1% بولدى, دەپ حابارلايدى Ult.kz.
مەملەكەت باسشىسى جارييالاعان قازاقستاننىڭ ينفراقۇرىلىمىن دامىتۋ مەن جاڭعىرتۋعا باعىتتالعان «حالىقتىق قۇرىلىس» باستاماسى اياسىندا قۇرىلىس سالاسىنداعى جوعارى كٶرسەتكٸشتەردٸڭ ماڭىزى ارتا تٷسۋدە.
2026 جىلدىڭ ون ايىندا ۇلىتاۋ وبلىسىندا ورىندالعان قۇرىلىس جۇمىسىنىڭ كٶلەمٸ 289,5 ملرد تەڭگەگە جەتتٸ. ٶسۋ قارقىنى بويىنشا ٶڭٸر باسقا وبلىستار مەن رەسپۋبليكالىق ماڭىزى بار قالالاردان ايتارلىقتاي وزىپ كەتتٸ.

كٶشباسشىلار قاتارىنا قىزىلوردا وبلىسى – 130,5%, اتىراۋ وبلىسى – 125,7%, پاۆلودار وبلىسى – 123,8% جەنە الماتى قالاسى – 123,1% كٶرسەتكٸشپەن ەندٸ. بۇل رەتتە ۇلىتاۋ وبلىسىنىڭ كٶرسەتكٸشٸ ەڭ جاقىن بەسەكەلەس ٶڭٸردٸڭ نەتيجەسٸنەن 96,8% تارماققا جوعارى بولدى.
جالپى, قازاقستان بويىنشا قاڭتار-قازان ايلارىندا 9 ترلن تەڭگەگە قۇرىلىس جۇمىسى ورىندالدى.
ۇلىتاۋ وبلىسىنداعى وڭ ديناميكا قازان ايىندا دا ساقتالدى. بٸر ايدا ورىندالعان قۇرىلىس جۇمىسىنىڭ كٶلەمٸ 24 ملرد تەڭگەنٸ قۇراپ, ٶتكەن جىلدىڭ قازان ايىمەن سالىستىرعاندا 29,5%-عا ٶستٸ. رەسپۋبليكا بويىنشا وسى كەزەڭدەگٸ ورتاشا ٶسٸم 24,2% بولدى.
ٶندٸرٸستٸك جەنە ٶزگە دە قۇرىلىس جوبالارىمەن قاتار, وبلىستا ەلەۋمەتتٸك جەنە قالالىق ينفراقۇرىلىمدى دامىتۋ جۇمىسى دا قارقىن الدى. جەزقازعان, سەتباەۆ قالالارىندا قوعامدىق كەڭٸستٸكتەردٸ اباتتاندىرۋ, مەدەنيەت جەنە بٸلٸم بەرۋ نىساندارىن جاڭعىرتۋ جاڭا دەمالىس جەنە سپورت ورىندارىن سالۋ جوبالارى جٷزەگە اسىرىلۋدا.
اتاپ ايتقاندا, «قازاقمىس كورپوراتسيياسى» جشس ۇلىتاۋ وبلىسىنىڭ ەكٸمدٸگٸمەن جاسالعان ىنتىماقتاستىق تۋرالى مەموراندۋم اياسىندا ەلەۋمەتتٸك ماڭىزى بار بٸرقاتار جوبانى قارجىلاندىرۋدا. ولاردىڭ قاتارىندا كەڭگٸر سۋ قويماسىنىڭ جاعالاۋىن جاڭعىرتۋ, «جاستار» ساياباعىن اباتتاندىرۋ, س. قوجامقۇلوۆ اتىنداعى تەاتردى كٷردەلٸ جٶندەۋ, ۇلىتاۋ ۋنيۆەرسيتەتٸنٸڭ ينفراقۇرىلىمىن دامىتۋ جەنە سەتباەۆ قالاسىنداعى كەنشٸ داڭقى الاڭىن جٶندەۋ بار.
2027 جىلى ٶڭٸردە ەلەۋمەتتٸك ينفراقۇرىلىمنىڭ جاڭا نىساندارىن, سونىڭ ٸشٸندە كٶپفۋنكتسيونالدى كونگرەسس-ورتالىق, فۋتبول ستاديونى مەن تەننيس ورتالىعىن سالۋ جۇمىسى باستالماق.
وسىلايشا, ۇلىتاۋ وبلىسىنداعى قۇرىلىس قارقىنىنىڭ ارتۋى قالالىق ورتانى جاڭارتۋعا, ەلەۋمەتتٸك ينفراقۇرىلىمدى دامىتۋعا جەنە تۇرعىنداردىڭ ٶمٸر سٷرۋ ساپاسىن جاقسارتۋعا باعىتتالعان جوبالاردى جٷزەگە اسىرۋمەن قاتار جٷرٸپ كەلەدٸ.