قازاقستان زەينەتاقى جٷيەسٸنٸڭ دامۋ دەڭگەيٸ بويىنشا ەلەمنٸڭ ٷزدٸك 30 ەلٸنٸڭ قاتارىنا ەندٸ. Marsh CFA Institute Global Pension Index 2026 حالىقارالىق رەيتينگٸندە ەلٸمٸز 55 ەل مەن اۋماقتىڭ اراسىندا 29-ورىنعا تۇراقتاپ, 100 بالدىڭ 64,8-ٸن جينادى. وسىلايشا قازاقستان اقش, يسپانييا, قىتاي, جاپونييا, يتالييا جەنە وڭتٷستٸك كورەيادان وزىپ شىقتى, دەپ حابارلايدى ult.kz.
رەيتينگتٸ قۇراستىرۋ بارىسىندا ساراپشىلار زەينەتاقى تٶلەمدەرٸنٸڭ جەتكٸلٸكتٸلٸگٸن, جٷيەنٸڭ ۇزاق مەرزٸمدٸ قارجىلىق تۇراقتىلىعىن جەنە زەينەتاقى قورلارىن باسقارۋ ساپاسىن باعالاعان.

قازاقستان ەڭ جوعارى نەتيجەنٸ زەينەتاقى جٷيەسٸنٸڭ قارجىلىق تۇراقتىلىعى بويىنشا كٶرسەتتٸ. بۇل باعىتتا ەلٸمٸز 100 بالدىڭ 74,4-ٸن جيناپ, ەلەمدە 8-ورىنعا يە بولدى. بۇل كٶرسەتكٸش زەينەتاقى جٷيەسٸنٸڭ ۇزاق مەرزٸمدٸ پەرسپەكتيۆادا ازاماتتارعا زەينەتاقى تٶلەمدەرٸن قامتاماسىز ەتۋ قابٸلەتٸن سيپاتتايدى.
سونىمەن قاتار قازاقستان زەينەتاقى جٷيەسٸن رەتتەۋ جەنە باسقارۋ ساپاسى بويىنشا 83 بالل جيناپ, 19-ورىنعا ورنالاستى.
ساراپشىلاردىڭ قورىتىندىسىندا قازاقستاننىڭ زەينەتاقى جٷيەسٸ ەرتٷرلٸ تابىس دەڭگەيٸندەگٸ ازاماتتار ٷشٸن سالىقتار شەگەرٸلگەننەن كەيٸن جوعالعان ەڭبەك تابىسىنىڭ ورنىن جەتكٸلٸكتٸ دەڭگەيدە تولتىراتىنى اتاپ ٶتٸلگەن. بۇعان قوسا, جٷيە قىزمەتكەرلەردٸ كەسٸپتٸك زەينەتاقى باعدارلامالارىمەن كەڭٸنەن قامتۋىمەن ەرەكشەلەنەدٸ.
سونداي-اق زەينەتاقى جٷيەسٸن رەتتەۋ مەن باسقارۋدىڭ تيٸمدٸلٸگٸ, وعان قاتىسۋشىلاردىڭ قۇقىقتارىن قورعاۋ دەڭگەيٸ جەنە ازاماتتاردى اقپاراتتاندىرۋ جۇمىستارى جوعارى باعالانعان.
ايتا كەتەيٸك, Marsh CFA Institute Global Pension Index 2026 – ەلەمنٸڭ 55 ەلٸندەگٸ زەينەتاقى جٷيەلەرٸن تٶلەمدەردٸڭ جەتكٸلٸكتٸلٸگٸ, قارجىلىق تۇراقتىلىعى جەنە باسقارۋ ساپاسى بويىنشا سالىستىراتىن جىل سايىنعى حالىقارالىق رەيتينگ.