Qazaqstan zeinetaqy júiesiniń damý deńgeii boiynsha álemniń úzdik 30 eliniń qataryna endi. Marsh CFA Institute Global Pension Index 2026 halyqaralyq reitinginde elimiz 55 el men aýmaqtyń arasynda 29-orynǵa turaqtap, 100 baldyń 64,8-in jinady. Osylaisha Qazaqstan AQSh, Ispaniia, Qytai, Japoniia, Italiia jáne Ońtústik Koreiadan ozyp shyqty, dep habarlaidy ult.kz.
Reitingti qurastyrý barysynda sarapshylar zeinetaqy tólemderiniń jetkiliktiligin, júieniń uzaq merzimdi qarjylyq turaqtylyǵyn jáne zeinetaqy qorlaryn basqarý sapasyn baǵalaǵan.

Qazaqstan eń joǵary nátijeni zeinetaqy júiesiniń qarjylyq turaqtylyǵy boiynsha kórsetti. Bul baǵytta elimiz 100 baldyń 74,4-in jinap, álemde 8-orynǵa ie boldy. Bul kórsetkish zeinetaqy júiesiniń uzaq merzimdi perspektivada azamattarǵa zeinetaqy tólemderin qamtamasyz etý qabiletin sipattaidy.
Sonymen qatar Qazaqstan zeinetaqy júiesin retteý jáne basqarý sapasy boiynsha 83 ball jinap, 19-orynǵa ornalasty.
Sarapshylardyń qorytyndysynda Qazaqstannyń zeinetaqy júiesi ártúrli tabys deńgeiindegi azamattar úshin salyqtar shegerilgennen keiin joǵalǵan eńbek tabysynyń ornyn jetkilikti deńgeide toltyratyny atap ótilgen. Buǵan qosa, júie qyzmetkerlerdi kásiptik zeinetaqy baǵdarlamalarymen keńinen qamtýymen erekshelenedi.
Sondai-aq zeinetaqy júiesin retteý men basqarýdyń tiimdiligi, oǵan qatysýshylardyń quqyqtaryn qorǵaý deńgeii jáne azamattardy aqparattandyrý jumystary joǵary baǵalanǵan.
Aita keteiik, Marsh CFA Institute Global Pension Index 2026 – álemniń 55 elindegi zeinetaqy júielerin tólemderdiń jetkiliktiligi, qarjylyq turaqtylyǵy jáne basqarý sapasy boiynsha salystyratyn jyl saiynǵy halyqaralyq reiting.