الماتى قالاسىنىڭ المالى اۋداندىق سوتىندا سانجار بوقاەۆتىڭ ٸسٸ بويىنشا سوت پروتسەسٸندە قارجىلىق قۇجاتتاردى زەرتتەۋ باستالدى. ەكٸ كومپانييانىڭ بانك كٶشٸرمەلەرٸن تالداۋ نەتيجەسٸندە سوت حالىقارالىق اۆتوشەرۋگە جۇمسالعان ميلليونداعان تەڭگەنٸڭ قالاي بٶلٸنگەنٸ جەنە قانداي جولمەن قولما-قول اقشاعا اينالدىرىلعانى كٶرسەتٸلدٸ.
باستى نازار سانجار بوقاەۆتىڭ جيەنٸنٸڭ باقىلاۋىنداعى «BM Trust» جشس-نٸڭ بانك شوتتارىنا اۋدارىلدى. قۇجاتتارعا سەيكەس, كومپانييا كەسٸپوداقتان 27,2 ميلليون تەڭگە كٶلەمٸندە قاراجات العان. ونىڭ ٷستٸنە العاشقى اۋدارىمدار كەلٸسٸمشارتقا قول قويىلعان كٷنٸ-اق باستالعان. مەملەكەتتٸك ايىپتاۋشى 2018 جىلدىڭ شٸلدە-قاراشا ايلارى ارالىعىندا اتالعان كومپانييانىڭ شوتتارىنان «ٶزگە شىعىندار» دەگەن نەگٸزبەن 10 ميلليون تەڭگەدەن استام قاراجات قولما-قول اقشاعا اۋدارىلعانىنا مەن بەردٸ.
بۇدان بٶلەك, قاراجاتتىڭ اۆتوشەرۋگە ەش قاتىسى جوق بۋحگالتەرلٸك قىزمەتتەر مەن ٷي-جايلاردى جالعا الۋعا جۇمسالعانى انىقتالدى. بۇل قارجىلىق دەرەكتەر بۇعان دەيٸنگٸ سوت وتىرىستارىندا ايتىلعان كۋەگەرلەردٸڭ سٶزدەرٸمەن دە ۇشتاسادى. اتاپ ايتقاندا, «تسەلينسەلماش» كومپانيياسىنىڭ زاڭگەرٸ دەل وسى كەزەڭدە «BM Trust» جشس-نٸڭ ەلوردادان اۋدانى 671 شارشى مەتر بولاتىن جيھاز تسەحىنا ارنالعان عيماراتتى جالعا العانىن راستاعان ەدٸ. ونىڭ ايتۋىنشا, بۇل تسەح شىن مەنٸندە سانجار بوقاەۆتىڭ ٶزٸنە تيەسٸلٸ بولعان.
BM Trust بانك كٶشٸرمەلەرٸندەگٸ كٶزگە تٷسەتٸن جايتتاردىڭ بٸرٸ – MLS Group كومپانيياسىنا 7,6 ميلليون جەنە 12,3 ميلليون تەڭگە كٶلەمٸندە جاسالعان اۋدارىمدار. بۇل ترانزاكتسييالار الدىڭعى سوت وتىرىستارىندا ايتىلعان كۋەگەردٸڭ سٶزدەرٸن قۇجات جٷزٸندە راستادى. ەسكە سالا كەتەيٸك, بۇعان دەيٸن MLS Group باسشىسى سۇلتانوۆ سوتتا اۆتوشەرۋ تۋرالى قانداي دا بٸر ۋەدە ەتٸلگەن دەرەكتٸ فيلمنٸڭ كومپانييا تاراپىنان مٷلدە تٷسٸرٸلمەگەنٸن مەلٸمدەگەن ەدٸ. ونىڭ ايتۋىنشا, كومپانيياعا تٷسكەن ميلليونداعان تەڭگە قولما-قول اقشاعا اينالدىرىلىپ, سانجار بوقاەۆتىڭ جەكە ٶزٸنە تابىستالعان. ەندٸ بۇل مەلٸمدەمەلەر رەسمي بانك وپەراتسييالارىنىڭ قۇجاتتارىمەن دە راستالىپ وتىر.
BM Trust كومپانيياسىنان قاراجات اۋدارىلعان ٶزگە دە الۋشىلاردىڭ قاتارىندا «موتيۆ اكمولا» جشس مەن «ينديگو» جك بار. جاۋاپ الۋ بارىسىندا ولاردىڭ اۆتوشەرۋدٸ ۇيىمداستىرۋعا ەشقانداي قاتىسى جوق ەكەنٸ تاعى دا راستالدى.
ال جۇلدىز ارتىقباەۆا باسقارعان «We Can» جشس-نەن, ياعني كومپانييانىڭ بانك كٶشٸرمەلەرٸنەن مٷلدە باسقا كٶرٸنٸس بايقالدى. قۇجاتتار كومپانييانىڭ ناقتى شارۋاشىلىق قىزمەتپەن اينالىسقانىن كٶرسەتتٸ. اتاپ ايتقاندا, ول اۆتوشەرۋگە قاتىسۋشىلاردىڭ قوناقٷيلەردە تۇرۋى مەن تاماقتانۋىن, پوليگرافييالىق ٶنٸمدەرگە, كٶلٸك قىزمەتتەرٸ مەن كونتسەرتتەردٸ ۇيىمداستىرۋعا ميلليونداعان تەڭگە اۋدارعان.
بۇل قارجىلىق قۇجاتتار بۇعان دەيٸن سوتقا جەتكٸزٸلگەن قىزىلورداداعى Sultan Plaza جەنە تٷركٸستانداعى «حاناكا» قوناقٷيلەرٸنٸڭ باسشىلارى بەرگەن جاۋاپتارمەن تولىق سەيكەس كەلدٸ. ولار كٶرسەتٸلگەن قىزمەتتەردٸڭ اقىسىن دەل وسى «We Can» جشس تٶلەگەنٸن راستاعان بولاتىن.
ەكٸ سەرٸكتەستٸكتٸڭ بانك كٶشٸرمەلەرٸن سالىستىرا وتىرىپ, مەملەكەتتٸك ايىپتاۋ تاراپى تەرگەۋ نۇسقاسىنىڭ قيسىنىن بىلاي تٷيٸندەدٸ: حالىقارالىق اۆتوشەرۋ ٸس جٷزٸندە ناقتى قىزمەتتەرگە اقى تٶلەگەن «We Can» جشس-نٸڭ كٷشٸمەن ۇيىمداستىرىلعان. ال بوقاەۆتىڭ تۋىسىنىڭ باقىلاۋىنداعى BM Trust كومپانيياسىنا (قۇجاتتاردا قالمەنوۆتىڭ دا اتى اتالادى) اۋدارىلعان قاراجات ماقساتسىز پايدالانىلىپ, قولما-قول اقشاعا اينالدىرىلعان.
قارجىلىق زاڭبۇزۋشىلىقتار اۋديت قورىتىندىسىمەن دە راستالادى. سوت وتىرىسىندا رەۆيزوردىڭ قورىتىندىسى جارييا ەتٸلدٸ. وندا اۆتوشەرۋ اياسىندا جاسالعان ەكٸ كەلٸسٸمشارت بويىنشا كٶرسەتٸلگەن قىزمەتتەردٸڭ قۇنى 30 ميلليون تەڭگەگە ارتىق باعالانعانى انىقتالعان. بولجامعا ساي قورعاۋ تاراپى بۇل ەسەپتەۋدٸڭ ەدٸستەمەسٸمەن كەلٸسپەيتٸنٸن مەلٸمدەدٸ.
اۆتوشەرۋگە قاتىستى ەپيزودتان بٶلەك, قۇجاتتاردى زەرتتەۋ بارىسىندا ايىپتالۋشىنىڭ باسقا دا اۋقىمدى جوبالارعا قاتىسى تۋرالى دەرەكتەر بەلگٸلٸ بولدى. مەسەلەن, پروكۋرور «قازترانسگاز» كومپانيياسى ٷشٸن بەس ساعاتتىق كورپوراتيۆتٸك ٸس-شارا ٶتكٸزۋگە ارنالعان قۇنى 57 ميلليون تەڭگەدەن اساتىن كەلٸسٸمشارتتى ماقۇلداۋعا بوقاەۆتىڭ قاتىسقانىنا نازار اۋداردى.
وسىلايشا, بوقاەۆتىڭ ٸرٸ قارجى اعىندارىنىڭ بٶلٸنۋٸن جەكە ٶزٸ باقىلاپ, ميلليونداعان تەڭگەلٸك كەلٸسٸمشارتتار جاساسۋ كەزٸندە جاۋاپتى تۇلعا رەتٸندە ەرەكەت ەتكەنٸ ايتىلدى.