Foto: top-sto.kz
Batys Qazaqstan oblysynda avtojýý ornynda kóligi zaqymdanǵan júrgizýshi sot arqyly materialdyq shyǵyn óndirip aldy. Bul týraly oblystyq sottyń baspasóz qyzmeti habarlady.
Oqiǵa Chery Tiggo 2 Pro kóligine qatysty bolǵan. Kólik iesi avtojýý qyzmetin paidalanǵannan keiin jabdyq tolyq toqtamai turyp, qyzmetker oǵan kiltti bergen.
Júrgizýshi esikti ashqan sátte jýý jabdyǵy áli qozǵalysta bolyp, kólikke zaqym keltirgen. Avtojýý ornynyń ókili kerisinshe, kináni klientke artyp, onyń ózi esikti ashqanyn alǵa tartqan.
Isti qaraǵan sot beinebaqylaý jazbalaryn zerttei kele, qyzmetkerdiń qaýipsizdik talaptaryn buzǵanyn anyqtady. Iaǵni jabdyq tolyq toqtamai turyp, kilt iesine berilgen.
Nátijesinde sot talap qoiýshynyń talabyn ishinara qanaǵattandyrdy.
Sot sheshimimen avtojýý ornynan:
357 446 teńge materialdyq shyǵyn
3 574 teńge memlekettik baj
50 000 teńge baǵalaýshy qyzmeti
35 745 teńge ókildik shyǵyn óndirip alý týraly sheshim shyǵaryldy.
Avtojýý orny iesiniń qarsy talaby qanaǵattandyrylǵan joq. Sot sheshimi ázirge zańdy kúshine engen joq.
