فوتو: top-sto.kz
باتىس قازاقستان وبلىسىندا اۆتوجۋۋ ورنىندا كٶلٸگٸ زاقىمدانعان جٷرگٸزۋشٸ سوت ارقىلى ماتەريالدىق شىعىن ٶندٸرٸپ الدى. بۇل تۋرالى وبلىستىق سوتتىڭ باسپاسٶز قىزمەتٸ حابارلادى.
وقيعا Chery Tiggo 2 Pro كٶلٸگٸنە قاتىستى بولعان. كٶلٸك يەسٸ اۆتوجۋۋ قىزمەتٸن پايدالانعاننان كەيٸن جابدىق تولىق توقتاماي تۇرىپ, قىزمەتكەر وعان كٸلتتٸ بەرگەن.
جٷرگٸزۋشٸ ەسٸكتٸ اشقان سەتتە جۋۋ جابدىعى ەلٸ قوزعالىستا بولىپ, كٶلٸككە زاقىم كەلتٸرگەن. اۆتوجۋۋ ورنىنىڭ ٶكٸلٸ كەرٸسٸنشە, كٸنەنٸ كليەنتكە ارتىپ, ونىڭ ٶزٸ ەسٸكتٸ اشقانىن العا تارتقان.
ٸستٸ قاراعان سوت بەينەباقىلاۋ جازبالارىن زەرتتەي كەلە, قىزمەتكەردٸڭ قاۋٸپسٸزدٸك تالاپتارىن بۇزعانىن انىقتادى. ياعني جابدىق تولىق توقتاماي تۇرىپ, كٸلت يەسٸنە بەرٸلگەن.
نەتيجەسٸندە سوت تالاپ قويۋشىنىڭ تالابىن ٸشٸنارا قاناعاتتاندىردى.
سوت شەشٸمٸمەن اۆتوجۋۋ ورنىنان:
357 446 تەڭگە ماتەريالدىق شىعىن
3 574 تەڭگە مەملەكەتتٸك باج
50 000 تەڭگە باعالاۋشى قىزمەتٸ
35 745 تەڭگە ٶكٸلدٸك شىعىن ٶندٸرٸپ الۋ تۋرالى شەشٸم شىعارىلدى.
اۆتوجۋۋ ورنى يەسٸنٸڭ قارسى تالابى قاناعاتتاندىرىلعان جوق. سوت شەشٸمٸ ەزٸرگە زاڭدى كٷشٸنە ەنگەن جوق.
