Қазақстан Тәуелсіздігіне 25 жыл

قازاقستان ەمحانالارىندا بٸر قابىلداۋدا بٸرنەشە مەديتسينالىق قىزمەت الۋعا مٷمكٸندٸك بەرٸلۋٸ مٷمكٸن

قازاقستان ەمحانالارىندا بٸر قابىلداۋدا بٸرنەشە مەديتسينالىق قىزمەت الۋعا مٷمكٸندٸك بەرٸلۋٸ مٷمكٸن
اشىق دەرەككٶز

قازاقستاندا ەمحانالاردا مەديتسينالىق كٶمەك كٶرسەتۋ تەرتٸبٸن ٶزگەرتۋ جوسپارلانىپ وتىر. جاڭا ەرەجەلەر قابىلدانسا, پاتسيەنتتەر بٸر قابىلداۋ كەزٸندە بٸرنەشە مەديتسينالىق قىزمەت الىپ, كەيبٸر تەكسەرۋلەردەن ٶتۋ مٷمكٸندٸگٸنە يە بولادى, دەپ حابارلايدى ult.kz NUR.KZ-كە سٸلتەمە جاساپ.

بٸر قابىلداۋدا بٸرنەشە قىزمەت كٶرسەتٸلۋٸ مٷمكٸن

قازاقستان دەنساۋلىق ساقتاۋ مينيسترلٸگٸ امبۋلاتورييالىق مەديتسينالىق كٶمەك كٶرسەتۋ قاعيدالارىنا ٶزگەرٸس ەنگٸزۋ تۋرالى بۇيرىق جوباسىن ەزٸرلەدٸ. قۇجات «اشىق نقا» پورتالىندا جارييالانعان.

جوباداعى نەگٸزگٸ ٶزگەرٸستەردٸڭ بٸرٸ – دەرٸگەر قابىلداۋىن ۇيىمداستىرۋ تەرتٸبٸنە قاتىستى. قازٸر كەيبٸر مەديتسينالىق پروتسەدۋرالاردان ٶتۋ نەمەسە قۇجاتتاردى رەسٸمدەۋ ٷشٸن پاتسيەنت ەمحاناعا بٸرنەشە رەت بارۋعا مەجبٷر. مينيسترلٸك وسى مەسەلەنٸ شەشۋ ٷشٸن بٸر قابىلداۋ اياسىندا كٶرسەتٸلەتٸن قىزمەتتەر سانىن كٶبەيتۋدٸ ۇسىنىپ وتىر.

جاڭا تەرتٸپ بويىنشا دەرٸگەر پاتسيەنتتٸ قاراپ قانا قويماي, مەديتسينالىق كٶرسەتٸلٸمدەر بولسا, قاجەتتٸ دەرٸ-دەرمەكتەرگە رەتسەپت جازىپ, انىقتامالار رەسٸمدەپ, پروفيلاكتيكالىق قىزمەتتەر كٶرسەتە الادى.

بۇل ٶزگەرٸس سوزىلمالى اۋرۋىنا بايلانىستى دەرٸگەر باقىلاۋىندا جٷرگەن ادامدارعا دا قاتىستى. ەگەر پاتسيەنت باسقا سوزىلمالى اۋرۋى بويىنشا جوسپارلى تەكسەرۋدەن قاتار ٶتٸپ جٷرسە, ونىڭ نەتيجەلەرٸن دە قازٸرگٸ قابىلداۋ اياسىندا ەسەپكە الۋعا مٷمكٸندٸك بەرٸلمەك. ياعني ەر مەديتسينالىق شارا ٷشٸن بٶلەك قابىلداۋعا جازىلۋدىڭ قاجەتٸ بولمايدى.

كەيبٸر مەديتسينالىق تەكسەرۋلەردٸڭ تٷرٸ كٶبەيەدٸ

مينيسترلٸك دياگنوستيكالىق زەرتتەۋلەردٸڭ قولجەتٸمدٸلٸگٸن ارتتىرۋدى دا كٶزدەپ وتىر.

اتاپ ايتقاندا, ۆ جەنە س ۆيرۋستىق گەپاتيتتەرٸن انىقتاۋ مٷمكٸندٸكتەرٸن كەڭەيتۋ, سونىڭ ٸشٸندە جەدەل دياگنوستيكالىق ەدٸستەردٸ قولدانۋ ۇسىنىلعان.

سونداي-اق مٸندەتتٸ ەلەۋمەتتٸك مەديتسينالىق ساقتاندىرۋ (مەمس) اياسىندا قولجەتٸمدٸ تەكسەرۋلەر تٸزبەسٸن ناقتىلاۋ جوسپارلانىپ وتىر. ٶزگەرٸستەر قاننىڭ ۇيۋ جٷيەسٸ بۇزىلعان جەنە جٷيكە-بۇلشىقەت جٷيەسٸنٸڭ اۋرۋلارى بار ازاماتتارعا دا قاتىستى بولۋى مٷمكٸن.

دەگەنمەن قوسىمشا تەكسەرۋلەر بارلىق پاتسيەنتكە بٸردەي تاعايىندالمايدى. ونىڭ قاجەتتٸلٸگٸن دەرٸگەر ادامنىڭ دەنساۋلىق جاعدايى مەن مەديتسينالىق كٶرسەتٸلٸمدەرٸنە قاراي انىقتايدى.

دەرٸگەرلەردٸڭ قاعازباستىلىعى ازايۋى مٷمكٸن

جوبا مەديتسينالىق قىزمەتتەردٸ ەسەپكە الۋ تەرتٸبٸن دە ٶزگەرتۋدٸ قاراستىرادى.

ەمحاناعا كەلۋ, كٶرسەتٸلگەن قىزمەتتەر مەن جازىلعان رەتسەپتتەر تۋرالى مەلٸمەتتەردٸڭ بٸر بٶلٸگٸ مەديتسينالىق اقپاراتتىق جٷيەلەرگە اۆتوماتتى تٷردە ەنگٸزٸلمەك. بۇل مەديتسينا قىزمەتكەرلەرٸنٸڭ قۇجاتتاردى قولمەن تولتىرۋ جۇمىسىن ازايتۋعا مٷمكٸندٸك بەرەدٸ.

دەنساۋلىق ساقتاۋ مينيسترلٸگٸ ەكٸمشٸلٸك جٷكتەمە ازايسا, دەرٸگەرلەر پاتسيەنتتەرمەن تٸكەلەي جۇمىس ٸستەۋگە كٶبٸرەك ۋاقىت بٶلە الادى دەپ ەسەپتەيدٸ.

ٶزگەرٸستەر كٸمدەرگە تيٸمدٸ?

ۇسىنىلىپ وتىرعان جاڭا تەرتٸپ, ەسٸرەسە, سوزىلمالى اۋرۋلارى بار ازاماتتار ٷشٸن ماڭىزدى. سەبەبٸ ولار تۇراقتى تٷردە دەرٸگەرگە قارالىپ, رەتسەپت الىپ, دەنساۋلىعىن باقىلاپ وتىرۋى كەرەك.

جوبا قابىلدانعان جاعدايدا بٸرنەشە مەديتسينالىق شارانى بٸر قابىلداۋعا بٸرٸكتٸرۋگە جەنە مەمس اياسىنداعى كەيبٸر تەكسەرۋلەردٸڭ قولجەتٸمدٸلٸگٸن ناقتىلاۋعا مٷمكٸندٸك تۋادى.

ايتا كەتەيٸك, دەنساۋلىق ساقتاۋ مينيسترلٸگٸنٸڭ ۇسىنىستارى ەزٸرگە بۇيرىق جوباسى تٷرٸندە عانا جارييالانعان. دەمەك, جاڭا ەرەجەلەر ەلٸ كٷشٸنە ەنگەن جوق.