Premer-ministr Oljas Bektenov qazaqstandyq óndirýshilerdiń saýda oryndaryna shyǵýda kezdesetin kedergilerdi joiýdy tapsyrdy. Onyń aitýynsha, otandyq taýar óndirýshilerdiń saýda jelilerine qol jetkizýine joǵary jaldaý aqysy men importtyq ónimderge basymdyq berilýi keri áser etip otyr, dep habarlaidy ult.kz.
"Halyq tutynatyn taýarlardy shyǵaratyn otandyq óndirýshiler kóp jaǵdaida saýda alańdaryna qol jetkize almaidy. Onyń ishinde jaldaý aqysynyń joǵary bolýyna bailanysty da qiyndyqtar bar. Ol ishki naryqta qazaqstandyq ónimniń úlesin keńeitýge kedergi keltirip, básekege qabilettiligin tómendetedi. Saýda jelileriniń ieleri qazaqstandyq taýarlarǵa degen kózqarasyn túbegeili ózgertýi tiis dep sanaimyn. Otandyq ónimnen buryn importtyq taýarlarǵa basymdyq berý quqyqtyq jaǵynan ǵana emes, moraldyq turǵydan da durys emes. Saýda ministrliginde múddeli memlekettik organdarmen, óńir ákimdikterimen jáne "Atameken" palatasymen birlesip, taýarlardyń barlyq sanattaryn onyń ishinde jeńil ónerkásip pen turmystyq himiia ónimderin shyǵaratyn otandyq óndirýshilerge saýda alańdaryn jalǵa alýdyń qolaily sharttaryn usynýdyń naqty tetikterin ázirleýdi taprsyramyn", - dedi Oljas Bektenov Úkimet otyrysynda.
